Fermandariya Giştî ya YPJ’ê ji ber şehadeta fermandar Nûreddîn Sofî peyamek weşand. Peyama YPJ’ê bi vî rengî ye:
Em bi rêzdarî fermadarê mezin ku jiyana xwe fedayî azadiya gelê xwe kiriye hevrê Nûreddîn Sofî bi bîr tînin.
Em fermandarê xwe yê mezin, heval Nureddîn Sofî ku jiyana xwe ji bo azadî, rûmet û pêşeroja gelê xwe fedakir, bi rêzdarî û minetdariyek bê dawî bi bîr tînin. Wêrekiya wî, fedakarî û baweriya wî ya bêdawî ne tenê ji bo hevrêyên wî, ji bo hemû gelên ku ji bo azadiyê li ber xwe didin, bû meşaleyek ku rêya wan ronî dikir. Biryardarî û fedakariya ku wî di tevahiya jiyana xwe de nîşan da, hem rûmet û hem jî berpirsiyarî ji me re hişt. Wekî hevrêyên wî, em bi serbilindî li ber bîranîna wî bejna xwe ditewînin da ku têkoşîna wî zindî bihêlin û mîrataya wî biparêzin. Em sersaxiyê bi taybetî ji malbata wî ya welatparêz a bi rûmet, ji gelê me û ji hemû hevrêyên me yên têkoşîna azadiyê re dixwazin. Hevrê Nureddîn Sofî fermandarê pêşenge di têkoşîna gelê me ya ji bo azadî û rûmetê de û şervanekî berxwedanê yê bêhempa û lehengekî gele, jiyana xwe ji bo azadiya gelê xwe, nirxên hevpar ên mirovahiyê û cîhanek ku edalet lê serdest e, fedakir. Têkoşîna wî ne tenê îfadeya berxwedana herêmî bû, wijdanê kolektîf ê hemû mirovahiyê bû.
Hevrê Nureddîn Sofî bi helwesta xwe ya wêrek, aqilê stratejîk û rêvebertiya xwe ya bi biryar ku di şerê li dijî hovîtiya DAIŞ’ê de nîşan da, di dîrokê de cih girt. Van hêzên tarî ne tenê herêmek, hemû mirovahî tehdît dikirin. Têkoşîna ku di bin rêvebertiya wî de hate meşandin ne tenê serkeftinek leşkerî bû; ew parêzvanê rûmeta mirovan, azadiya jinan û biratiya gelan bû. Hişmendî, îrade, xwezayîbûn, jêhatîbûn û aqilê wî yê tûj gelê wî di her şert û mercî de wekî pisûleyekê ronî dikir. Ew Rêberek mînak, hevalek pêbawer û pêşeng bû ku hêvî ne tenê li qada şer lê di her aliyê jiyanê de zindî dihişt. Reftara wî ya dilnizm, girêdana wî ya xurt ya bi gelê xwe re û fedakariya wî bingeha têkoşîna wî pêk dianîn.
Berxwedana heval Nureddîn wateyek hildigire ku sînoran derbas dike. Di şexsê wî de, dengê kesên ku li cihên ku zilm û metingerî lê serwer bû, yên ku ji bo rizgariya jinan şer dikirin û yên ku li dijî qirkirina çandî li berxwedan, bilind dibû. Jiyana wî ji cîhanê re bi bîr xist ku peyva “azadî” ne tenê îdealek e, lê mafek e ku hêjaye mirov jiyana xwe li ber feda bike. Doza fermandar Nureddîn ne tenê têkoşîna gelekê ye, lê ya hemû mirovahiyê ye. Îdealên wî hesreta cîhanek e ku tê de edalet û wekhevî serwer be bû. Ji ber vê sedemê, berxwedana gelê me divê li seranserê cîhanê wekî beşek ji lêgerîna azadiyê were fêm kirin. Ew ê her tim di bîra gelê xwe de bijî. Navê wî wê weke mîrate ji bo nifşên pêşerojê bibe sembola azadî, berxwedan û rûmeta mirovahiyê. Em ê mîrateya wî biparêzin û bi biryardarî têkoşîna ji bo edalet, wekhevî û azadiyê bidomînin.
Îro, di kûrahiya dilê me de êşek heye, di çavên me de agir dibare. Dema ku em îro di aliyek de hevrêyê xwe Nureddîn Sofî ku yek ji şervanê egîd û fermandarê azadiyê yê herî bedew, jîr û wêrek ê cîhanê ye, ber bi dawi ve rêwî dikin, di heman demê de ew roj e ku em raman û têkoşîna wî jî her û her zindî bihêlin. Ew tenê ne şervanek bû, heviya azadiya gelê xwe û pêşengê tekoşînê yê herî xurt bû. Navê wî û gavên wî bi qasî çiyayan di bîra tevahiya welatê me de hate kolan. Wî fermandarî ne tenê wekî erkeke leşkerî, wekî hunera parastina rûmeta mirovan û azadkirina pêşeroja gel didît. Her gavek ku bi fermandarî avêt ne tenê hemleyek taktîkî bû, têbiniya azadiyê bû ku di dîrokê de hatibû nivîsandin. Her operasyon ji bo rûmeta gelan bû; her senger ji bo pêşeroja gel deriyek vekirî bû.
Nêzîkatiya wê ya ji bo rizgariya jinan yek ji mezintirîn dilpakiyên wî bû ku ew ji yên din cuda dikir. Wî şervanên jin ne tenê wekî hevrêyên ku bi wan re mil bi mil şer dike, lê wekî pêşengên civatek azad didît. Ew her gav bi bawerî nêzî hêzên parastina jin dibû û hêz dida. Di çavên wî de çirûskek baweriyê hebû û dizanibû ku bêyî azadkirina jinan, gel nikarin azad bibin. Em dizanin ku xewnên wî nîvçe nemane. Ji ber ku wî xewnên xwe di dilê hevalên xwe û gelan de neqişand. Ji bo me hêzên parastina jin ew ne tenê dostek bû; ew hevalbendek, mamosteyek û şêwirmendek bû. Nêzîkatiya wî ya ji bo rizgariya jin ew di çavên me de nemir kir. Wî ne tenê li qada şer, lê di heman demê de di raman û îradeyê de jî bi şervanên jin re muameleyekî wekhev dikir. Ew di ferqê de bû ku têkoşîna jinan a li dijî DAIŞ’ê ne tenê şoreşek leşkerî ye, lê di heman demê de şoreşek bîrdoziye jî. Wî gotina “heya jin azad nebe ev erdnîgarî azad nabe” ji xwe re kiribû pîvanek. Parastina îdealên wî ne meseleya bîranînê ye, lê belê sozek e, sondek e. Em ê wê sondê di her aliyê jiyanê de, di her meydana şer de û bi her hênaseya ku em distînin de biparêzin. Erka me niha ew e ku em ala wî li erdê nehêlin gavên wî mezintir bikin û armancên wî bi pêş ve bibin.
Dibe ku windakirina fermandarê me ji bo dijmin wek kêfxweşiyek were hesibandin. Lê em dizanin ku di têkoşîna azadiyê de, tu şehadet têkoşînê qels nake berovajî vê tekoşînê polayî dike. Şehadeta wî biryardariya me xurt kir. Çûna wî di dilê her jinekê, her ciwanekî, her mirovekî azadîxwaz de biryardariyeke mezintir ji bo berxwedanê çand. Îro em ne tenê hevrêekê xwe, lê yek ji fermandarên xwe yên herî wêrek ku rûmeta gelan parastiye oxir dikin. Navê wî di destana berxwedanê ya li dijî tarîtiya DAIŞ’ê de hatiye nivîsandin. DAIŞ hişmendiyeke barbar bû ku armanc dikir jinan kole bike û gelan ji holê rake. Li dijî vê tarîtiyê ew ronahiyek bû ku rûmeta gelan diparast. Li her sengerê de, di pêşiya her operasyonê de, wî ne tenê planên taktîk çêdikir, lê di heman demê de îradeya gelekî jî mezin dikir.
Fermandariya wî ya li dijî DAIŞ’ê ne tenê serkeftinek leşkerî, di dîroka mirovahiyê de rûpelek rûmetê bû. Wî ne tenê di çeperan de, di dilê gelan de jî cihekî bi dest xist. Wî di navbera gelan de pirên bawerî û yekitiyê ava kirin, wî hêviya hevpar a azadiyê ji bo her kesê Ereb, Kurd, Tirkmen, Asûr û Ermenan geş kir. Her operasyonek di bin fermandariya wî de derbeyek li dijî barbariyê û serkeftinek ji bo gel bû. Îro, em dizanin ku ew ne tenê fermandarek bû, ew di heman demê de hilgirê bîrdoziyekê bû, ew bîrdozî jî bîrdoziya wekheviya gelan, azadiya jinan û bîrdoziya jiyaneke bêmetîngerî bû. Şehadeta wî ji bo me ne dawiyek e, ew destpêkekî xurttir û biryardartir e.
Em wek Yekîneyên Parastina Jin taktîk, bawerî û wêrektiya ku wî fêrî me kir niha bi biryardariyeke hîn mezintir bidomînin. Fermandar Nureddîn qehremanek gelerî yê rastîn bû ku jiyana xwe ji bo azadiya gelê xwe, edalet, wekhevî û rûmetê feda kir. Helwesta wî ya di demên herî zehmet de jî ku hêvî û bawerî di gelê xwede şîn dikir, bû sedem ku di bîra gel de nemir bibe. Navê wî dê wekî sembola berxwedanê li dijî zilmê û jiyaneke ji bo azadiyê bijî. Berxwedana wî ne tenê têkoşînek li ser yek eniyê bû, ew meşek ji bo azadiyê bû ku bi hişmendiyê ve şekil girt, bi îradeyê xurt dikir, bi xwezayîbûna xwe bawerî diçand û bi jêhatîbûn û jîrbûna xwe rêberî dikir. Helwesta wî ya ku di demên zehmet de jî hêvî û wêrekî di gelê xwede di çand, di bîra me de wekî sembola berxwedanê û jiyaneke ji bo azadiyê xwe feda kiriye cihê xwe girtiye. Navê wî wê her tim hem di dilê gelê xwe de û hem jî di dîroka têkoşîna azadiyê de bijî.
Fermandarê me, tu wê di lûtkeya têkoşîna me de, di ziman û dilê vî gelî de her û her bijî. Zîrekiya te ya taktîkî, rihê te yê berxwedanê û bîranînên me yên hevrêtiyê wê her tim rênîşandaniya me bike. Em ê vê artêşa azadiyê ku bi hebûna fermandarên wekî te mezin dibe hîn xurttir bikin. Hevrê Nureddîn Sofî, ku jiyana xwe ji bo azadiya gelê xwe feda kir, êdî ne tenê ji bo gelê me lê, bûye lehengê hevpar yê gelên cuda û mirovatiya ku ji bo azadiyê tekoşîn dimeşîne. Yên ku li pey şopa wî diçin wê têkoşînê bidomînin heta ku cîhanek aştî, azadî û biratiyê ava bibe.
Fermandarê me, xewnên te rêya me ne. Armanca te sonda me ye. Barbarî wê têk biçe, wê serkeftin bibe yê gelan, jin wê azad bibin! Û tu yê li ser her rûpela vê serkeftinê bijî. Bi vê sondê, em dibêjin ne wê xewnên te nîvçe bimînin û ne jî wê ala azadiyê ji destê me bikeve! Rêya te rêya me ye û armancên te armanca me ye.
Serkeftin wê azadiya gelan û rizgariya jinan be.
Bijî azadî! Bijî Biratiya gelan!
JIN JIYAN AZADΔ
