Hevşaredarê Bajarê Mezin ê Wanê Abdullah Zeydan ku bi derbeya qeyûman ji kar hate dûrxistin, li ser medyaya dîjîtal daxuyanî da. Zeydan wiha axivî: “Dizên bêşerm, vîna gelê Wanê desteser kirin. Darbekar dê winda bikin, gel dê bi ser bikeve.”
Rêxistina DEM Partiyê ya Bajarê Wanê jî li ser medyaya dîjîtal peyamek weşand. Peyam wiha ye: “Gelê Wanê yê birûmet li gel vîna xwe ye. Em ê rê nedin qeyûman, destesekirin û talanê. Em bang li hemû gelê xwe, rêxistinên civaka sivîl, partiyên siyasî û sendîkayan dikin ku li dijî vê desteserkirinê demokrasî û hiqûqê biparêzin.”
