Li rêya wesayîtan a ku bajarokên Narayanghat û Mugling’ê bi hev ve girê dide, du otobus ketin ber çem.
Ji herêma Chitwan rayedarekî wiha got: “Du otobusên ku yek ji wan 24, ya din jî 42 rêwî dihilgirtin, ji ber hezazê ketin ber çemê Trishuli.”
Beriya ku wesayît bikevin nav lehiyê, 3 rêwiyan xwe rizgar kirin û niha li nexweşxaneyê tedawî dibînin.
Rayedar got, “Em têkildarî giştî hejmara mirovan, zelal nînin. Çem bilind bû û hîna ti kes nehatiye dîtin.”
Serokwezîr Pushpa Kamal Dahal daxuyanî da û got: “Rêveberiya navendî jî di nav de, ez fermanê didim hemû saziyên dewletê ku bi rengekî bibandor xebatên lêgerîn û rizgarkirinê bimeşînin.”
Li vî welatê Hîmalaya, ji ber rewşa xirab a rêyan û wesayîtan qezayên tirsnak piranî car tên dîtin.
