Bi pêşengiya Platforma Jinan a Dîcle Amedê, jinan li dijî êrîşên li hember Bakur û Rojhilatê Sûriyeyê bi dirûşmeya ‘Ji şer re na, niha aştî’ li Deriyê Çiyê ya Sûr a Amedê zincîra aştiyê ava kirin. Hevserokên Partiya Wekhevî û Demokrasiyê ya Gelan (DEM Partî), Partiya Herêmên Demokratîk (DBP) Hevseroka Giştî ya ESP’ê Denîz Aktaş, Tevgera Jinên Azad (TJA), Dayikên Aştiyê, Komeleya Jinan a Rosa, Komeleya Hiqûqnasên ji bo Azadiyê (OHD) hevşaredar, rêxistinên civaka sivîl û her wiha ji Êlihê jî gelek jin û welatî tevlî çalakiyê bûn.
Jinan bê navber ‘Bijî berxwedana Rojava’, ‘Bijî berxwedana gelê Kurd’, ‘Jin jiyan azadî’ berzkirin.
Piştî dirûşmeyan zincîr hat avakirin. Hevseroka DBP’a Amedê Sultan Yaray axivî û da zanîn ku li Rojava êrîşê jiyana azad dikin û got wê her tim li gel Rojava cihê xwe bigirin.
Piştre li ser navê DAKAP’ê Derman Ungur axivî. Derman Ungur da zanîn ku polîtîkayên qirkirina jinê wê bi jiyana netewa demokratîk û pêşengiya jinan çareser bibe û got: “Sêyemîn şerê cîhanê ku navenda wê li Rojhilata Navîne didome. Pêvajoyên nû tên jiyîn. Rejîma Esas d 50 salî hilweşiya. Carek din hat dîtin ku rêveberiyên netewên yekparêz ji bilî ser û hilweşînê tiştekî nadin gelan.”
Derman Ungur daxuyakirin ku SMO jinên ku têdikoşe hedef digire û got Civaka Jinan a Zenubiya li Rojava qada jinê de xebatan dimeşîne û got: “Îro SMO jinên ku ji bo mafê jinan têdikoşin qetil dike. Yên li dijî DAÎŞ’ê têkoşîn dan jinên Kurd bûn. Têkoşîna herî mezin jinên Kurd dan. Îro jî çete di serî de li ser jinan li ser gel hovîtiyê pêk tînin. Hovîtiya çete pêk tînin DAÎŞ’ê tîne bîra mirovan. Em vê qebûl nakin. Jinên êşkence û tundiyê dibînin hinceta têkoşîna me ne. Emê li dijî vê têkoşîna xwe bilkind bikin. Em banga piştevaniyê û têkoşînê li hemû jinan dikin.”
Daxuyanî bi dirûşme û tilîliyan bidawî bû.
