Tevgera Jinên Azad (TJA) li Wanê bi şîara ‘’Jin ber bi azadiyê ve dimeşin’’ meşek li dar xist. Polîsan êrîşî meşê kir û gelek kes binçav kirin.
Girse piştî meşê li pêşiya Rêxistina Bajarî ya DBP’ê kom bû û pankarta ‘’Yê ku bi rê ve dibe tu yî, şikur ji hêza te re’’ û ‘’ Jin ber bi azadiyê ve dimeşin’’ hatin vekirin û dirûşmeyên “Bijî Serok Apo” û “Jin, Jiyan, Azadî” hatin berzkirin.
Hevseroka Giştî a DBP’ê Çîgdem Kiliçgun Ûçarê êrîşa polîsan şermezar kir û ev yek anîn ziman: ‘’Ji ber ku em meşiyan û me dirûşme berz kirin gelo Tirkiye hate perçekirin? Gelo ma bi meşa jinan û gelê Kurd welat tê perçekirin? Hûn van herêman perçe dikin. Jin li hemû deran bi tundiya vê rejîmê re rû bi rû ne. En welat bi din siya faşîzmê de dirize. Ev siyaseta desthilatdariyê vî welatî dirizîne.’’
Çîgdem Kiliçgun Ûçar di dewama axaftina xwe de diyar kir ku komploya 15’ê Sibatê ya li dijî Rêber Apo ‘rojeke reş e’ û got: ‘’Girêdayî pêvajoya heyî êdî em naxwazin 15’ê Sibatê weke rojeke reş bi nav bikin. Em dixwazin weke roja azadbûnê pênase bikin. Kî di odeyeke 12 metrekareyî de ji bo pêşeroja vî welatî çareseriyan pêş dixe? Rêberê Gelê Kurd Birêz Ocalan vê yekê dike. Em ê hemû astengiyan derbas bikin. Em ê li hemberî rêveberiya ku Narîn Guran û Gulîstan Doku qetil kirine, li ber xwe bidin. Gelo ji xwedîderketina aşiyê pîroztir karekî din heye? Na tune ye…
Wê jin bibin parazwanên demokrasiya Tirkiyeya nû. Em ji bo Tirkiyeyeke nû û ji bo avakirina jiyaneke hevpar bi rê ketin. Hêza me pir xurt e û ne hêzeke wisa ye ku hûn asteng bikin.’’
Daxuyanî bi berzkirina dirûşmeya ‘’Bijî Serok Apo’’ bi dawî bû.
