Li paytexta Ermenistanê Êrîvanê 8’ê Adarê Roja Jinên Kedkar ên Cîhanê li Mala Kêmnetewan bi şahiyek hat pîrozkirin. Di pîrozbahiya ku bi deqeyek rêzgirtinê ji bo şehîdên têkoşîna azadiyê hat destpêkirin de, jinan bênavber dirûşmeya “Jin Jiyan Azadî” berzkirin.
Ewil peyama Rêber Apo ya bi wesîleya 8’ê Adarê hatibû şandin, hat xwendin. Piştre Endama Yekîtiya Jinên Azad Seyana Celad axivî û 8’ê Adarê li hemû jinên têkoşer û kedkar pîroz kir. Seyana Celad, diyar kir ku divê jin têkoşîna xwe mezintir bikin û azadiya xwe misoger bikin. Seyana Celad got, “Weke jinên Kurd me bi felsefa Rêber Apo re xwe nas kir û me bendên koletiyê qetandin. Rêber Apo ji bo ku jinek azad biafirîne têkoşînek pir mezin da û bi ser jî ket. Ji bo wê pêwîste em ji bo azadiya fîzîkî ya Rêber Apo têkoşîna xwe berfirehtir bikin.”
Piştre pîrozbahî bi stranên keçên ciwan û hunermend Zagros Rojhilat dewam kir.
Di dawiyê de jinan govend gerand û gul diyarî hev kirin.
Di pîrozbahiyê de pirtûka Rêber Apo ya duyemîn a bi navê Manîfestoya Demokratîk ku bi zimanê Ermenî hatiye wergerandin.danesîna wê hat kirin û diyariyê 8’ê Adarê hat kirin.
