Gelek gaziyên şer beşdarî civînan bûn. Civîn ji bo bîranîna şehîdan bi deqeyek rêzgirtinê destpê kirin.
Di civînan de têkildarî rewşa Rêber Apo û pêvajoya wî daye daye destpêkirin nirxandin hatin kirin. Gaziyan diyar kirin ku ji bo azadiya fizîkî ya Rêber Apo divê têkoşîn hîn zêdetir bê mezinkirin.
Gaziyên şer dan xuyakirin ku bangên Rêber Apo ya 27’ê Sibatê û 8’ê Adarê bangên pîroz in û diyar kirin ku ew ê her tim xwe bi felsefe û îdeolojiya Rêber Apo perwerde bikin.
Di civînan de hat gotin ku ji bo çareserkirina pirsgirêkên Rojhilata Navîn û bi taybet Sûriyeyê divê paradîgmaya Rêber Apo bêhtir were pêşxistin û têkildarî vê mijarê pêwîst e tevahî pêkhateyên herêmê werin serwextkirin.
Gaziyên şer anîn ziman ew geşedan û guhertinên li herêmê û bi taybet li Sûriyeyê rû didin ji nêz ve dişopînin û bal kişandin ser berxwedana bi mehane ya li bendava Tişrînê. Gaziyên şer êrîş û komkujiyên li hember xelkên sivîl ên li peravên Sûriyeyê şermezar kirin.
Di nirxandinan de gaziyên şer gotin ku ew hêza xwe ji berxwedana Rêber Apo ya li Îmraliyê digirin û wê heya serketinê li pey şopa şehîdan bimeşin. Her wiha hate diyarkirin ku di nav van geşedanên dawiyê yên li herêmê de divê ji bo parastina şoreşa Bakur û Rojhilatê Sûriyeyê têkoşîn zêdetir were xurtkirin û pêşengê wê têkoşînê jî wê gaziyên şer bin.
