Endamê Şandeya Îmraliyê ya Partiya Demokrasî û Wekheviyê ya Gelan (DEM Partî) Sirri Sureyya Onder ku 15’ê Nîsanê ji ber krîza dil rakirin nexweşxaneyê û niha di beşa çavdêriya awarte de ye. Ji bo Onder serdanên ji bo nexweşxaneyê dewam dikin. Gelek kesên ji qadên huner, siyaset û civaka sivîl çûn Nexweşxaneya Florence Nightingale.
Piştî nîvro gelek nûnerên komele, rêxistinên baweriyê û sendîkayan serdana Onder kirin.
Her wiha Serokê Meclîsê Nûman Kûrtûlmûş, Serokê Giştî yê CHP’ê Ozgur Ozel, Cîgirê Serokê Giştî yê AKP’ê Omer Çelîk, Endamê Lîjneya Serokên Partiya Çep Alper Taş, Waliyê Stenbolê Davut Gul, Serokê AKP’ê yê Bajêr ê û şandeya wî hatin nexweşxaneyê.
Hûnermendên ku Menderes Samancilar jî di nav de bû, Eren Keskîn û gelek nûnerên rêxistina maf, parlementer, siyasetmedar, rojnamevan û nivîskar jî tevlî serdanê bûn. Bijîşkên ku emelyatê pêk anîn, agahî dan hemû şandeyên hatin. Her wiha çapemenî di tevahiya rojê de li pêşiya nexweşxaneyê sekînî.
Bînali Yildirim, Waliyê Aksareyê Mehmet Alî Kumbûzoglû, Nesrîn Nas, Cemîl Çîçek, Mûstafa Elîtaş, Cîgirê Serokê Koma MHP’ê Erkan Akçay û Serokê Giştî yê EHP’ê Hakan Ozturk bi telefon geriyan û şîfayê xwestin. Di heman demê de Serokkomar Erdogan jî keça Onder geriya û şîfayê xwest.
Kesên ku serdanê kirin Hevserokên Giştî yên DEM Partiyê Tulay Hatîmogûllari û Tuncer Bakirhan û bijîşkên Onder jî dîtin û têkildarî rewşa Onder agahî girtin.
Serokê Giştî yê CHP’ê Ozgur Ozel diyar kir ku wî têkildarî rewşa tenduristiyê ya Onder agahî girtiye û wiha got: “Min gelek caran li girtîgehê serdana wî kir û yek ji kesên ku ez timî ji ber têkiliyên kesî û sazîtî pê re diyalogê de me. Me duh agahiya ne baş bi hev re girt. Ji wê demê ve bi Hevserokên Giştî, Pervîn Bûldan û bi her kesên li vê derê re di diyalogê de bûm. Em dua dikin ku baş bibe.”
Nûman Kûrtûlmûş jî diyar kir ku daxwazên wan ya herî mezin ew e ku Onder baş bibe û wiha got: “Sirri Sureyya Onder kesekî pir baş e, siyasetmedarekî baş e û navbera wî bi her kesî re baş e. Em hêvî dikin ku di zûtirîn demê de baş bibe. Duayên me bi wî re ne.”
Çelîk jî diyar kir ku ew bi malbata Onder re hev dîtine û şîfaya xêrê ji Onder re xwestine û wiha got: “Em hêvî dikin ku di demeke nêzîk de wî bi tendurist di nava xwe de bibînin. Em li ser navê partî û hevalên xwe şîfaya xêrê jê re dixwazin. Serokkomarê me jî rewşê ji nêz ve dişopîne.”
