Komeleya Enstîtuya Lêkolînên Siyasî û Civakî ya Diyarbekirê (DÎSA) bi piştgiriya Ofîsa Nûnertiya Komeleya Friedrich-Ebert-Stiftung a Tirkiyeyê bi sernavê “Pêvajoya Çareseriyê: Aktor û Dînamîk” civîn li dar xist. Hevserokê Giştî yê DEM Partî’ê Tuncer Bakirhan, nûnerên Saziyên Civakî yên Sivîl (STK), hevşaredar, akademîsyen û gelek kes beşdarî civînê bûn.
Hîndekarê Zanîngeha Dîcleyê Doç. Dr. Vahap Coşkûn axaftina vekirinê kir. Piştre Hevserokê DEM Partiyê Tuncer Bakirhan axivî û derbarê pêvajoyê de nirxandin kir. Bakirhan diyar kir ku di 1’ê Cotmeha 2024’an de ango di vekirina Meclîsê de pêvajoyeke nû dest pê kir û got: “Me di destpêkê de got; em girîngiyê didin vê pêvajoyê. Pêvajoyeke girîng e, heke em karibin wê tijî bikin, bi hev re li gorî pêvajoyê gavan bavêjin û daxwaz û ramanên xwe parve bikin. Ez bawer im ku di mehên pêş de an jî di demek nêzîk de derfeta ku bi aktorên din ên vê meseleyê re li Amed werin ba hev.”
Bakirhan anî ziman ku di demên dawî de gelek nîqaşên cûda hene û wiha domand: “Di nava Kurdan de ti şikestin tine ye. Ne cudahî heye, ne jî veqetandin. Partî û saziyên Kurd, bi awayekî rêxistinkirî girîngiyê didin çareseriya Tirkiyeyê. Li pişt Banga Aştî û Civaka Demokratîk a Birêz Ocalan in û ji bo serketina wê çi pêwîst be wê were kirin. Divê êdî Tirkiye fikar û tirsên demkî derbas bike. Heta ku ev fikar û tirs daneyne aliyekî, nûjenkirin û avakirina Tirkiyeyeke demokratîk û têkiliyên Tirk-Kurd a li ser bingeheke demokratîk zehmet e. Ez hêvî dikim ku ev fikar û tirs wê ji pirsgirêkbûnê derkevin. Pêwîst e em li ser jinûve avakirina sedsala bê û ji bo serkeftina vê pêvajoyê têbikoşin.”
Rûniştina duyemîn a bi sernavê “Civaka Sivîl Dipirse” ji çapemeniyê re girtî pêk hat.
