Hevseroka Giştî ya DEM Partiyê Tulay Hatimogullari, di axaftina xwe ya li korteja 1’ê Gulanê ya Kadikoyê de bal kişand ser ked, aştî û edaletê.
Tulay Hatîmogullari, behsa xizaniya mezin û mirinên ji ber kar ên li Tirkiyeyê rû didin kir û got, “Divê ewlehiya kar pêk were û dawî li mirina karkeran were.”
Tulay Hatîmogullari, diyar kir ku çareseriya pirsgirêka Kurd wê tevkariyê li têkoşîna kedê jî bike û got, “Eger em karibin civakeke demokratîk bi rêxistin bikin, çareseriya demokratîk û aştiyane ya pirsgirêka Kurd pêk bînin, wê ev yek rê li ber têkoşîna kedê veke.”
Tulay Hatîmogullari, anî ziman ku li dijî sîstema kapîtalîst û rejîma otorîter dikarin hem têkoşîna kedê û hem jî têkoşîna maf, hiqûq û edaletê li ser hîmên xurtir bê meşandin û got ku ji bo pêvajo pêş bikeve divê tecrîda li ser Rêber Apo bê rakirin.
