Di çarçoveya lêpirsînên têkildarî şaredariyên CHP’yî de Şaredarê Avcilarê Ûtkû Caner Çaykara, Şaredarê Buyukçekmeceyê Hasan Akgun û Şaredarê Gazîosmanpaşayê Hakan Bahçetepe hatin girtin. Li şûna hersê şaredaran wekîlên şaredaran têne diyarkirin.
Hilbijartina destpêkê li Şaredariya Gazîosmanpaşayê (GOP) hate kirin. Di dengdanê de ku saet 10:00 destpê kir, namzetê AKP’ê endamê Meclîsê Eray Karadenîz bi 21 dengan weke serokwekîl hate hilbijartin. Namzetê CHP’ê jî Alîkarê Şaredar Mûrat Topaloglû bû. Di meclîsa şaredariyê de AKP 18, CHP 17 û MHP jî xwedî 3 endaman bûn.
AVCILAR Û BUYUKÇEKMECE
Li şaredariyên Avcilar û Buyukçekmeceyê, hilbijartinên serokwekîliyê wê rojên bê, were kirin. Li van herdu navçeyan piraniya endamên meclîsên şaredariyan ên CHP’ê ne.
