Hêzên Rizgariya Efrînê (HRE) derbarê Qehreman Bilbil (Mihemed Ebdurehman Kemal) ku di Tîrmeha 2025’an de dema ku li ser erka xwe bû bi qezeyekê şehîd bû, daxuyaniyekî nivîskî weşand.
Daxuyanî wiha ye:
“Em hevrêyê yê xwe Qehreman Bilbil bi navê xwe yê rast Mihemed Ebdurehman Kemal ku di Tîrmeha 2025’an de dema ku li ser erka xwe bû bi qezeyekê gihişt asta şehadetê bi rêzdarî bi bîr tînin. Em hevrêyê xwe Qehreman Bilbil yê ku di oxira azadî û serfiraziya welatê xwe de heya kêliya dawî têkoşiya, bi hurmet û minetdarî bi bîr tînin. Ji gelê xwe û malbata hevrê Qehreman re em sersaxiyê dixwazin û soza dewamkirina rêya hevrêyên xwe û pêkanîna xeyalên wan nû dikin.
Hevrê Qehreman li warê berxwedanê Efrîna rengîn di hembêza çiyayên kurmênc de li navçeya Bilbilê di sala 2002’an de ji dayîk dibe. Di nava malbeteke welatparêz de bi hestê welatparêziyê mezin dibe , lewra malbata hevrê Qehreman ji zû ve rêxistinê nas dike û bi welatparêziya xwe tên naskirin. Hevrê Qehreman dibe şahidê hovitiya êrîşên dagirkeriyê yên li ser bajarê Efrînê ku çawa dagirkeriya Tirkiyê bi hemû hêz û qeweta xwe êrîş anîn ser gelê sivîl û komkûjî li dijî gelê Efrînê pêk anîn û xwediyê axê ji nava mal û milkên wan bi darê zorê koçber kirin. Piştî wê jî careke din li pêşiya çavên dinyayê êrîşên xwe bi ser gelê Efrînê yê koçber de li herema Şehba anîn û cara duyem gelê Efrînê yê berxwedêr yên ku herêma Şehba xistin qadeke têkoşîn û lehengiyê û li hemberî siyasetên înkarkirin, talankirin û guhartinên demografîk sekinîn û ji bo vegera li warê xwe her di nava têkoşînek bêhempa de bûn. Dagirkeriya Tirkiyê û çeteyên wê bi hovane êrîş anîn ser kampên koçberan û carake din bi darê zorê wan dane koçberkirin. Hevrê Qehreman bû şahidê van bûyeran û hemû bi çavên xwe dîtin, ji bo ku bibe parêzvanê gel û welatê xwe û di têkoşîna rizgariya bajarê xwe û hemû deverên dagirkirî de cih bigre. Di sala 2018’an de piştî dagirkirina Efrînê berê xwe dide nava refên Hêzên Rizgariya Efrînê û bi hêrs û dilsozî xwe berpirsyarê têkoşîna pîroz dibîne. Hevrê Qehreman cihê xwe di çalakiyên ku li ser dagirkeran de digirt û bi rihê Berxwedana Serdemê ya dîrokî bi hevrêryên xwe re di çeperên rûmetê de ji bo parastina gelê xwe ji êrîşên neyaran bi îrade û dilsozî li ber xwe dida.
Rêheval Qehreman weke milîtanekî azadiyê ji roja ku tevlî bûyî û heyanî kêliya dawî bi sekinekî herî xurt têkoşîn da meşandin. Di jiyana xwe ya şoreşgerî de erka rêhevaltiya herî rast pêk anî. Bi sekin û têkoşîna xwe ya demê ji bo hevrêyên xwe her dem bû mînak û navê xwe di nava rûpelên şoreşê de bi tîpên zêrîn neqişand.
Di serî de em ji malbata hevrê Qehreman Bilbilê ya hêja re û ji gelê me yê Efrînê re û tevahî gelê Kurdistanê re sersaxiyê dixwazin. Em weke hevriyên wî soz didin ku em ê her demê girêdayî xeta rêhevalên şehîd bin û ji bo pêkanîna armanc û xeyalên wan her di nava têkoşînê de bin û asta têkoşîna xwe li hemberî dagirkeran mezintir bikin.”
Li gorî daxuyaniyê agahiyên der barê nasnameya şehîd de wiha ne:
Navsnav : Qehreman Bilbilê
Nav û Paşnav : Ebdurehman Mihemed Mihemed
Navê Dayikê : Semîra
Navê Bav : Mihemed
Cih û Dîroka Şehadetê : 22’ê Tîrmeha 2025’an.
