HPJ’ê 7 gerîlayên ku 7’ê Tebaxa 2020’an di encama êrîşa dewleta Tirk a hewayî ya li ser Asosê de şehîd bibûn bi bîr anî û soza bilind kirin û serxistina armanc û xeyalên wan heta serkeftinê dubare kir.
Naveroka daxuyaniya Fermandariya HPJ’ê bi vî rengî ye:
‘’Di salvegera 5’emîn a şehadeta hevreyên me yên pêşeng de, em careke din hemû şehîdên Şoreşa Azadiya Kurdistanê bi bîr tînin. Di dîroka 07’ê Tebaxa 2020’an de, dema ku dewleta Tirk bi hewayî êrîşî herêma Asosê kir, hevreyên me Ozgur Kurdistan, Bêrîvan Taqedar, Eylem Cûdî, Rojbîn Gulnaz, Vejîn Doxan Kurdistan, Şîlan Şoreş Bahoz û Rêzan Kurdistan dema li ser erka xwe ya şoreşgerî ya parastina gelê Kurd de bûn, di encama vê êrîşê de tevlî karwanê şehîdên azadiyê bûn. Di serî de em bi navê Fermandariya Hêzên Parastina Jin li Rojhilatê Kurdistanê, sersaxî ji malbat û tevahî gelê Kurdistanê re dixwazin. Em van hemû hevreyên xwe bi minetdarî bi bîr tînin û careke din soza pêkanîna xeyala wan tînin ziman.
Gerîlayên fedayî yên Kurdistanê, her dem bi erka xwe ya parastina nirxên gelan rabûye. Bi xwîna xwe ya pîroz xwestiye vê erka xwe bi cih bîne. Van hemû hevreyên me wekî her ciwan û jineke ciwan a Kurd, ji ber di nava sîstema cîhanê de nikarîbûn xeyalên xwe yên azadiyê pêk bînin, berê xwe dan van çiyayên azad. Di demên pir kurt de felsefe û bîrdoziya Rêber Apo, di xwe de kiribûn çandek. Di nava refên azadiyê de heta kêliya rojên xwe yên dawî jî, xwe perwerde kirin û her tim bûn kesayetên ku bikaribin, Rêber Apo di xwe de pêk bînin.
Her 7 hevreyên me bê ku dudiliyê jiyan bikin, xwe kirin mertal û ji bo azadiya welat û xaka xwe, heta kêliya xwîna xwe ya dawî kar kirin. Bi serfirazî bi hemû hêza xwe, xwe tevlî kirin. Her yek ji wan bi jiyana xwe ya sade û dirust bûn parçeyek ji heqîqeta Apoyî.
Di roja me de li ser vê hîmê, îro bi dehan kes berê xwe didin çiyayên Kurdistanê û dibin navê van şoreşgerên nemir, ku ji bo azadiyê canê xwe kirin berdêl. Di nav refên me de wê her tim werin jiyan kirin. Heta dawî em ê bibin deng û xeyalên Ozgûr, Vejîn, Rojbîn, Şîlan, Eylem, Bêrîvan û Rêzanan û em ê heta dawî xwedî li soza wan daye, têkoşîna ku dane meşandin derkevin û jêre bibin layîq.
Di misogerkirina şoreşa azadiya Rojhilatê Kurdistanê de, bûn xwedî ked û hewldaneke bê emsal. Bi rihê berxwedan û têkoşîna şehîdan, em ê ji pêkanîna hemû hêviyên azadiyê re, bibin rêya bê dawî.
Careke din di salvegera 5’emîn a şehadeta hevreyên xwe de em sersaxiyê ji malbatên welatparêz ên hevreyên xwe re dixwazin û soza bilindkirin û serxistina armanc û xeyalên wan heta serkeftinê dubare dikin.’’
