Berdevkê Wezareta Karkirinê yê Talîbanê Samiullah Ibrahimi ji AFP’ê re axivî û diyar kir ku serlêdanan roja Çarşemê dert pê kirine û ji niha ve 8 hezar kesî serlêdana xwe kirine.
Kesên ku dixwazin serlêdanê bikin, li gel nîşandana belgeyên penaberbûn û koçberiyê divê 100 efxaniyî jî (nêzîkî 1,25 euro) heqê serlêdanê jî bidin. Di nava pozîsyonên hatine vekirin de pîşeyên weke endezyarî, teknîsyenê wesayitan, xebatkarên restorantan, gerîdendeyên karên darayî û şêwirmendên hiqûqê cih digirin.
Ev lihevkirin, piştî lihevkirina rêveberiya Talîbanê ya li gel Qeterê ya heya dawîya meha Tirmehê pêk hat ku bi wêlihevkirinê jî ji 3.100 Efxaniyan re îstîhdam hatibû dabînkirin. Di wê serdemê 15.500 kesî serlêdana xwe kiribû û ev hejmar 5 qatê hejmara kadroya hatibû îlankirin, bû.
Li gorî daneyên Bankaya Cîhanî nêzîkî niviya nifûsa Efanistanê di sînorê xizaniyê de dijî. Rêjeya bêkariyê ji sedî 13’an zêdetir e û çaryêka ciwanên di temênên navbera 15-29’an de bêkar in. Li gorî Neteweyên Yekbûyî (NY), li Efxanistanê yek ji krîza mirovî ya herî giran a cîhanê heye.
Li gorî Rêxistina Koçberiyê ya Navneteweyî (IOM) jî ji Îlona 2023’yan ve ye zêdetirî 4 milyon Efxan ji Îran û Pakistanê vegeriyane welatê xwe. Her wiha li gorî ajansên NY’ê jî bes di sala 2025’an de di navbera 1,5 û 2 milyonî de welatiyên Efxanistanê vegeriya welatê xwe.
