Şervanên Meclisa Leşkerî ya Kesrayê êrişeke komên çekdar ên girêdayî hikumeta Şamê li dijî nuqteyeke wan a leşkerî têk bir û bersiva êrişê dan ku di encamê de gelek êrişker birîndar kirin.
Navenda Ragihandinê ya Hêzên Sûriya Demokratîk (QSD) têkildarî êrîşa komên çekdar ên girêdayî Hikûmeta Demkî ya Sûriyeyê li ser bajarokê Cenîne yê rojavayê Dêrazorê daxuyaniyek da.
Di daxuyaniya navendê de ev agahî hatine parvekirin: “Ji bo derxistina tevliheviyê û têkbirina ewlehiyê, hemwextî êrîşên DAÎŞ`ê, komên girêdayî hikumeta Şamê, nuqteyeke leşkerî ya hêzên Meclisa Leşkerî ya Kesrayê li bajarokê Cenîne yê rojavayê Dêrazorê bi çeka BKC`ê û dronekê, êrîş kir.
Şervanên me bi lehengî bersiva êrîşê dan û di encamê de gelek êrîşkar birîndar bûn. Her wiha 5 şervanên me jî birîndar bûn.
Ev êrîşên xedar, li pêşiya me nabin bend ku em erka xwe bînin cih. Hikumeta Şamê berpirsa rasterast a kiryarên van koman e. Em bang lê dikin ku divê endamên xwe kontrol bike û êrîşên wan rawestîne.”
