Malpera Dengê Binçavkirinên Kurd û Îranê ragihand ku sê welatiyên Kurd li Rojhilatê Kurdistanê ji aliyê dadgeha Îranê ve hatin cezakirin.
Hate diyarkirin ku xwendekarê mansterê li beşa huqûqê ya Zanîngeha Azadî ya Mihabadê Purya Nesîrî, ji aliyê Dadgeha Şoreşê ya Mihabadê ve bi tometa ‘propagandaya li dijî dewletê’ bi du sal û sê meh cezayê girtîgehê hate mehkûmkirin.
Malperê da zanîn ku çalakvanekî civaka sivîl Hemîd Çepatî yê xelkê parêzgeha Urmiyeyê, ji aliyê Şaxa 23’an a Dadgeha Îstînafê ya parêzgehê ve bi tometa ‘propagandaya li dijî hikûmetê’ bi şeş meh cezayê girtîgehê hat mehkûmkirin.
Her wiha hate ragihandin ku şofêrê barhilgirê Şehab Darabî yê ji bajarokê Şabadî yê parêzgeha Kirmaşanê ku di greva giştî ya barhilgiran de bû, ji aliyê Dadgeha Şoreşê ya Îranê ve bi sê sal û rojek cezayê girtîgehê hat mehkûmkirin.
