Li gorî platforma hevpar a sendîkayan a ji aliyê CFDT, CGT, FO, CFE-CGC, CFTC, UNSA, FSU û Solidaires ve hatiye avakirin, pêşnûmeqanûna budçeyê “muzeya tirsê” û “dijwariya bêhempa” di nava xwe de dihewîne.
Sendîkayan bi gotina, “Divê careke din karmend, bêkar, ciwan û teqawîdbûyî fatûreya krîza deynan nedin” hikumetê rexne kir.
Sendîkayan daxwaza Bayrou ya dengdana baweriyê ya 8’ê Îlonê mîna “stratejiyeke mijûlkirinê” bi nav kirin.
Daxwazên sendîkayan ew e ku ji bo xizmetên giştî çavkaniyan biafirînin, têkoşîna li dijî xizaniyê, vegera adîlane ya kesk, tedbîrên li dijî ji kar derxistinê, xurtkirina pîşesaziyê û ji dewlemendan zêdetir bacê bistînin. Her wiha alîkariya ku didin şîrketan bi şertan ve girê bidin û temenê teqawidbûnê ku derdixin 64 salî bê betalkirin.
Banga greva nû piştî çalakiya dorpêçkirinê ku di 10’ê Îlonê de ji aliyê partiyên çepgir ve li ser medyaya dîjîtal, wê pêk were.
Lê sendîkayan ji bo vê çalakiyê ji hev parçe bûne: CGT û Solidaires piştgiriya xwe ragihandin, CFDT’ê jî daxuyand ku ew vê ew rêbazê guncaw nabîne.
