Beriya Civîna Bilind a NATO’yê ku wê di 7-8’ê Tîrmehê de li Enqereyê bê lidarxistin, binçavkirin dewam dike.
Li Kocaeliyê serê sibehê di serdegirtina malan de rêveberên bajêr û endamên ciwanan ên Partiya Kedê (EMEP) hatin binçavkirin.
Alîkara Serokê Giştî yê EMEP’ê Arzû Erkan gto, “Li Kocaeliyê serê sihbeê di serdegirtina malan de ji rêxistina me ya ciwanan û partiyê 3 endamên me hatin binçavkirin. Bi TEM û tîmên taybet deriyê malan hatin şikandin, hevrêyên me yên ciwan bi lêdanê hatin binçavkirin. Zextên we, binçavkirinên we, girtinên we nikarin me bişikînin.”
EDENE
Li Edeneyê jî serê sibehê di serdegirtina malan de gelek kes hatin binçavkirin. Hate ragihandin ku ji Komeleyên Ciwanan, Kaldiraç û Yekîtiya Têkoşînê 8 kes hatin binçavkirin. Kesên hatin binçavkirin bi vî rengî ne: “Poyraz Aslan Serin, Gamze Topçil, Hüseyin Para, Canser Dayanır, Sudenaz Sezen, Deniz Çelik, İdil İrem İnci û Nisa Nur Güreşçi.”
Tê gotin, dibe ku hejmara binçavkiriyan zêde bibe.
