Serokkomarê Fransayê Emmanuel Macron ji bo aramkirina aloziya siyasî ya li Fransayê, berê xwe da yek ji hevalbendên xwe yên herî nêzîk û Wezîrê Parastinê Sébastien Lecornu wekî serokwezîrê nû tayîn kir.
Serokwezîrê berê François Bayrou ji ber planên wî yên kêmkirina kêmasiya budçeyê bi ser neket, roja Duşemê li Meclîsa Neteweyî dengê baweriyê negirt û ji peywirê dûr ket. Piştî vê yekê Macron bi lez û bez kete nava liv û tevgerê.
Lecornu yê 39 salî, tekane wezîrê ku ji dema ku Macron di sala 2017’an de wek serokomar hat hilbijartin, di her hikûmetê de cih girt.
Lê Lecornu siyasetmedarekî muhafezekar e û ji bo butçeya hikûmeta kêmanî derbas bike û krîza deynê Fransayê çareser bike divê pira di navbera partiyên muxalefetê de ava bike.
François Bayrou yê ku roja Sêşemê îstifaya xwe pêşkêşî Emmanuel Macron kir û wê dewrkirina desthilatê sibê pêk were. Lê Bayrou piştî ku danûstandinên bi partiyan re biqedine wê hikûmetê pêşniyar bike.
