Meclisa Malbatên Şehîdan a Dirbêsiyê, bi amadebûna sedan şênî, endamên saziyên sivîl û meclisan, cenazeyên şervanên Hêzên Sûriya Demokratîk (QSD) şehîd Herekol Tolhildan (Sîpan Mihyedîn Mûsa) û şehîd Dilşêr Serêkaniyê (Ehmed Zehredîn Hisên) li Pakreangeha Şehîd Rustem Cûdî ya Dirbêsiyê veşartin.
Şervan Herekol Tolhildan di 22ˊyê Çileya 2026ˊan li Çelebiyê û şervan Dilşêr Serêkaniyê di 18ˊê Çileya 2026ˊan de li Reqayê, şehîd bûn.
Merasîmê bi deqeyek rêzgirtin dest pê kir. Dûre endamê Meclisa Malbatên Şehîdan a Dirbêsiyê Kanî Efrîn axivî û diyar kir ku şehîdan di oxira parastina destkeftiyên gel de cana xwe feda kir.
Li ser navê Meclisa Leşkerî ya Dirbêsiyê Adil Misto jî destnîşan kir ku her du şehîdan ji bo gel bigihîne azadiya xwe tê koşiyan û got: “Em soza xwe bi şehîdên xwe re nû dikin ku em ê rêya wan heta dawiyê bişopînin.”
Li ser navê malbata şehîd Herekol Tolhildan, Hîraz Xalid jî diyar kir ku şehîd Herekol şehîd û êşa hemûyan e, windabûna wî birînek mezin bû, lê Kurdistan layiqî fedakariyê ye.
Di dawiyê de wesîqeyên her du şehîdan hatin xwendin û radestî malbatên wan hatin kirin.
