Pêşnûmeya biryara ku ji aliyê sosyal demokrat, kesk û komên navendî yên lîberal ve hate amadekirin, bi 305 dengan hate pejirandin, 151 parlamenter li dij derketin û 122 jî betal bûn.
Di biryarê de, Wezîrê Darayî yê Îsraîlê Bezalel Smotrich û Wezîrê Ewlekariya Neteweyî Itamar Ben Gvir, ji ber helwestên xwe yên tundrew di navnîşa cezayan de cih girtin.
Di destpêka pêşnûmeyê de gotinên ku herdu wezîr “banga jenosîdê” kirine hebûn, lê ev îfade di dengdanê de ji metnê hate derxistin.
Parlamentoyê daxwaza serbestberdana bêşert a dîlgirtiyên Îsraîlî û bêçekkirina Hamasê dubare kir.
Her çendî ev biryar ne mecbûrî be jî, daxuyaniyên Parlamentoya Ewropayê û Seroka Komîsyonê Ursula von der Leyen nîşan didin ku Yekîtiya Ewropayê di gotarên xwe yên li hember Îsraîlê de dengekî tundtir bi kar tîne. Lê belê ji ber cudahiyên kûr di navbera dewletên endam de tê payîn ku sepandina cezayan zehmet be.
