Serokwezîrê Brîtanyayê Keir Starmer di peyameke dîtbarî ya ku li ser medyaya dîjîtal hat weşandin de got, “Îro ji bo aştî û hêviya çareseriya du dewletî ji nû ve zindî bibe, wekî Serokwezîrê vî welatê mezin em Dewleta Filistînê bi fermî nas dikin.”
Serokwezîrê Kanadayê Mark Carney ragihand ku Kanada bi awayekî fermî ev gav avêt û got, “Kanada, Dewleta Filistînê nas dike û ji bo pêşerojek aştiyane ji bo Dewleta Filistîn û Îsraîlê pêk bîne, amade ye ku hevkariyê bike. Kanada vê gavê wekî beşek ji hewldanek navneteweyî ji bo parastina îhtîmala çareseriyek du dewletan diavêje.”
Serokwezîrê Awûstralyayê Anthony Albanese jî got, “Ev xwestekên demdirêj û rewa yên gelê Filistînî ji bo hebûna dewleta xwe ye.”
Tê payîn ku Fransa jî di nav de hin dewlet beriya 80’emîn Lijneya Giştî ya Neteweyên Yekbûyî ku roja Sêşemê bi dawî dibe, gavên bi vî rengî bavêjin.
Hat ragihandin ku di lûtkeya ku wê roja Duşemê li New Yorkê din hevserokatiya Fransa û Erebistana Siûdî were lidarxistin de bi qasî deh welatên din wê Filistînê fermî nas bikin.
Wezareta Karên Derve ya Portekîzê roja Înê ragihand ku ew ê di 21’ê Îlonê de Dewleta Filistînê nas bike.
