Tê diyarkirin ku bûyerên hewayî yên bi vî rengî ku li Başûrê Asyayê di demsala musonê ya navbera meha Hezîran û Îlonê de gelek caran tê dîtin, bi guherîna avhawayê re zêdetir ziyanê dide.
Li Nepalê ji roja Înê ve barana zêde destpê kiriye. Di van baranên zêde de herî kêm 43 kes mirin, 37 ji van li herêma Illam a rojhilat jiyana xwe ji dest dan. Her wiha 12 kes birîndar bûn û 5 kes jî winda ne.
Serokwezîra hikûmeta demkî Sushila Karkî ragihand ku hemû saziyên fermî ji bo alîkariyê amade ne.
Li herêma Darjeeling ê bakurê rojhilatê Hindîstanê jî ji ber barana zêde herî kêm 20 kes mirin. Rê û pirên li herêmê xirap bûn.
Rayedaran diyar dikin ku di musona îsal de baraneke ji rêjeya navendî zêdetir hatiye û Hindistan û Pakîstan jî di nav de li gelek welatan rê li ber windakirinên canî û hilweşînê vekiriye.
