Di daxuyaniya ji aliyê KOMAW’ê hate dayîn de hat destnîşankirin ku meha Cotmehê meha zarokên hêja yên ku sembola têkoşîna fedakarî, berxwedan û azadiyê ne ye. Di daxuyaniyê de bi vê wesîleyê di şexsê Gurbetelî Ersoz û Arîn Mîrkan de hemû şehîdên meha Cotmehê bi minetdarî û hezkirin hatin bi bîr anîn.
Di daxuyaniyê de wiha hate gotin: “Helwesta wan a qehremanî, têkoşîna wan a ji bo jiyaneke azad û wekhev, wê di bîr û dilê gelê me de jiyan bike. Di daxuyaniyê de hate destnîşankirin ku şehîd nirxên herî mezin a gelekî ya di rêya azadiyê de ne. KOMAW’ê diyar kir ku xwedîderketina li mîrateya şehîdan, mezinkirina têkoşîna wan û jibîrnekirina keda wan a ji bo azadiyê berpirsyariya her kesî ye.
Saziya Malbatên Şehîdan, sersaxî ji bo hemû malbatên şehîdan û gel re xwest û wiha got: “Em bi wesîleya meha Cotmehê hemû qehremanên xwe bi minetdarî bi bîr tînin. Bejna xwe li ber bîranîna wan ditewînin.”
