– Bûyerên piştî Banga Aştî û Civaka Demokratîk a Rêber Apo wê werin şopandin.
– Prof. McLaren ku yek ji teorîsyenên pêşeng ên warê pedagojiyê ye û balê dikşîne ser girîngiya fikrên Rêber Apo, got: “Dîwarên Îmraliyê ne tenê sînorên girtîgehekê ne. Ew mîmariya nîzameke cîhanê ku ji hişmendiyê, ji şiyana ramana rexneyî ditirse, temsîl dike. Vîzyona wî ya ‘modernîteya demokratîk’ di eslê xwe de pedagojiyeke ji nû ve şiyarbûnê ye.”
– Eren Keskin diyar kir ku çêkirina rêziknameya mafê hêviyê ya Tirkiyeyê erkeke qanûnî ye û ev ne tenê bi dosyayên takekesî ve sînordar e; meseleyeke mafên mirovan e ku îradeya siyasî divê gavên pratîk biavêje ye.
– 33’emîn salvegera avabûna artêşa jinê, ji bo bîranîna Fermandar Bêrîtan di qadên gerîla de bi toren û çalakiyan bi awayek coş hate pîrozkirin. Di merasîmê de ji konseya fermandariya leşkerî ya YJA STAR Peyman Amed axifî û got ku sekna Bêrîtan arteşa jinê ava kir.
– Gaziya şer Sorxwîn Çîçek Têkoşîn anî ziman ku fermandar Bêrîtan bi zanebûn û helwesta xwe xiyanetê têk bir û got, “Em ê bêteredut di xeta fermandara xwe Bêrîtan de bimeşin.”
– Pir Mahir Şahin got ku heta aqilê dewletê “bi xwe re rû bi rû nebe”, gotinên xweş ên ji Elewiyan re bên gotin wê bêbersiv bimînin, lê eger ev aqil ber bi aqileke civakî ya ku maf û hiqûqê diparêze re veguhere, wê demê dibe ku ev gav bên pejirandin.
– Bi pêşengiya DEM Partiyê, bi beşdariya EMEP, EHP, SMF, TÎP û TOP’ê, di 25’ê Cotmehê de li Esenyurta Stenbolê, ji bo daxwaza nan, aşitî û edaletê civîneke mezin a gel wê bê lidarxistin.
– Têgeha demokrasiya muzakereyî ya ku Rêber Apo di serdema nû de wekî çareseriyeke aktuel pêşkêş kiriye, di rastiyê de rêyeke ku digihîje koka pirsgirêkên cîhanê ye û ber bi têgihîştina sosyalîzma Tevgera Azadiya Kurd ve diçe.
