Bi sedan ji gelê kantona Firatê, sazî û dezgehên Rêveberiya Xweser ji bo her du şehîdên Gerîlla yên di demên cuda de şehîd bûn, Şehîd Aze Rojgirav berê xwe dan bajarê Kobanê taxa Şehîd Kawa ya bajarê Kobanê û şehîd Hêlîn Kobanê berê xwe dan gundê Sê golê yê bi ser bajarê Sirînê de.
Şehîd Aze Rojgirav ya ku di 23`ê Mijdara 2024’an de li Zap şehîd bibû û şehîd Hêlîn Kobanê ya ku di 20’ê Mijdara 2024’an li Zapê şehîd bûn.
Piştî deqeyekê rêzgirtinê Hevserokê Desteya Jîngehê a Kantona Firatê Arif Balî di merasîma Şehîd Aze Rojgirav de axivî û anî ziman ku ew bi saya şehîdan li virin û ew ê heta dawiyê xwedî li xeta şehîdan derbikevin û wiha got: “Îro bi saya van şehîdan em li vir in, ew şehîd bûn destpêka ku em riya xwe yê têkoşînê xort bikin.”
Her wiha di merasîma şehîd Hêlîn kobanê de jî Hevseroka Meclisa Malbatên Şehîdan a bajarê Sirînê Behiyê El Elî anî ziman ku ew ê xwîna şehîdên xwe li erdê nehêlin û got: “Şehîd Hêlîn bi hemû awayî li hember dijmin têkoşîya û berxwedaneke bê hempa dan meşandin. Em jî soz didin ku em ê şopdarên rêya şehîdên xwe bin û xewn û xeyalên wan pêk bîn in.”
Di merasîmên her du şehîdên de wesîqa Şehadetê hate xwendin û radestî malbata wan hate kirin.
