Navenda Ragihandinê ya QSD`ê bi daxuyaniyekê eşkere kir ku hêzên wan bersiva êrîşeke komên çekdar ên hikûmeta veguhêz a Sûriyeyê li gundewarê Reqayê daye û êrîş têk biriye.
Daxuyaniya QSD`ê wiha ye:
“Îro hêzên me li derdor gundê Xanim El Elî li gundewarê rojhilatê Reqayê rastî êirşke bêbext a hêzên girêdayî hikûmeta Şamê hatin. Komên çekdar di vê êrişê de balefirên bêmirov ên xwekuj û çekên giran bi kar anîn. Ev êrîş rewşa tevlihev û êrîşkariya komên hikûmeta Şamê nîşan dide. Ev êrişê li dijî ewlehiya sivîlan û aramiya herêmê pêk tên.
Hêzên me bi berpirsyarî, ev êrişa bêserûber têk birin. Di encama êrîşê de 3 şervanên me bi sivikî birîndar bû, her wiha di nava komên êrîşkar de jî hin kes birîndar bûn. Ev kiryarên bêserûber nîşan dide ku ev alî dixwazin tevlieviyê bikin û hemû hewlên çesipandina aramiyê têk bibin.
Hêzên me bi awayekî berpirsyar bersiva êrişê dan û nehişt ku pevçûn berferhtir bibe, lê dîse em diyar dikin ku em ê li hember van êrîşan bêdeng nemînin û ji bo parstina herêmên xwe çi pêwîst be bikin.
Em bang li aliyên ku va koman birêve dibin dikin ku wan koman û kiryarên wan ên bêsrûber rawestînin, ji ber ku bûne xeter li ser ewlehî û aramiya herêmê.”
