Meclisa Malbatên Şehîdan a bajarê Til Birakê yê kantona Cizîrê ji bo her du endamên Hêzên Ewlekariya Hundirîn şehîd Mehmûd Ebdil Cixêf û şehîd Medyen Selman Ebûd ên ku li ser erka xwe di 3ˊê Mijdarê de şehîd bûbûn, konên sersaxiyê li gundên Qebir Xesîs û Simêhan Şerqî yên girêdayî Til Birakê vedan.
Di merasîmê de xelkê bajêr, endamên saziyên sivîl û leşkerî, partiyên siyasî û Hêzên Ewlekariya Hundirîn amade bûn.
Li bin konê şehîd Mehmûd Cixêf ê li gundê Qebir Xesîs endama Meclisa Malbatên Şehîdan a Til Birakê Ferhe El Bekir axivî û soza şopandina metod û rêça şehîdan da.
Endamê Hêzên Ewlekariya Hundirîn Ebdullah El Setam jî sersaxî da malbata şehîd û destnîşan kir ku ew wek hevrêyên şehîd dê di oxira doza xwe ya adilane de fedakariyên xwe bidomînin.
Li aliyekî din jî endamê Meclisa Leşkerî ya Til Birakê Salar Mihemed soza şopandian rêça şehîdan heta pêkanîna serkeftinê da.
Li bin konê sersaxiyê yê şehîd Medyen Ebûd ê li gundê Simêhan Şerqî jî, endama Meclisa Malbatên Şehîdan Ferhe El Bekir axivî û sersaxî da malbata şehîdan.
Ebdullah El Setam li bin konê şehîd Medyen jî axivî û got ew ê di projeya xwe ya neteweya demokratîk de li gorî felsefeya Rêber Apo dewam bikin.
Merasîma sersaxiyê bi xwendina wesîqeyên her du şehîdan bi dawî bû.
