Hêzên hikumeta demkî ya Sûriyeyê bi balafireke bêmirov li bakurê bajarê Siwêdayê êrîş pêk anî. Di encama êrîşê de welatî Omer El Qadî hat kuştin û 5 welatiyên din birîndar bûn.
Çavkaniyên xwecihî da zanîn ku êrîş li nêzî deverên Selîm û Etîl hat pêkanîn û navên birîndaran wiha ne: Rewad Şerefedîn, Cewad Şerefedîn, Wejdî Şerefedîn, Diyaa Ebû Fexir û Ramî Munzir. Çavkaniyan diyar kirin ku hemû birîndar sivîl in.
Hat zanîn ku welatî Omer El Qadî di dema veguhastina wî ya ji bo nexweşxaneya niştimanî de, jiyana xwe ji dest da. Her wiha hat diyarkirin ku welatî di veguhastina mirîşkan de dixebitî û di dema li ser karê xwe de bû, erebeya wî li rojavayê bajarokê Etîl bi awayekî rasterast hat hedefgirtin.
Girêdayî wê, Parêzvanên Neteweyî hewldana hêzên hikumeta veguhêz a ji bo derbasbûna ji Derayê ber bi Siwêdayê ve, li nêzî Besra Şam têk bir. Ji hêzên hikumeta veguhêz birîndar çêbûn.
