Wezareta Karên Derve ya Filistînê, bi boneya Roja Têkoşîna Navneteweyî ya Li Dijî tundiya li Ser Jinê, daxuyaniyek da. Di daxuyaniyê de hat gotin ku “Jin û keçên Filistînî îro rastî yek ji şêwazên herî giran ên tundî, cudakarî, îşkence û zilmê yên li cîhana nûjen tên” û hat destnîşankirin ku di 2 salên dawî de nêzîkî 33 hezar jin û keçên Filistînî di êrîşên Îsraîlê de jiyana xwe ji dest dane.
Di daxuyaniyê de hat balkişandin ku Îsraîl li dijî jinên Filistînî “sûcên sîstematîk ên wekî jenosîd, îdamkirina li cihê bûyerê, windakirina bi zorê, binçavkirina îdarî, girtina keyfî, îşkence û tûndî zayendî, hilweşandina malan, desteserkerina axa wan, terorîzma niştecîhan, birçîkirin û tirsandinê” dike, û wiha hate gotin: “Îsraîla dagirker, ji bo ku gelê Filistînî, bi taybetî jinan, bike hedef û bitirsîne, amûrên çavdêriyê û teknolojiyên pêşketî yên wekî jîrahiya çêkirî (AI) û sîxuriya elektronîkî bi kar tîne.” Di daxuyaniyê de hat qeydkirin ku rêveberiya Filistînî ji bo bicihanîna peymanên mafên mirovan, pejirandina polîtîka û planên ji bo têkoşîna li dijî tundiya li ser jinê û xurtkirina jinan xebatên xwe didomîne û daxwaza berdewamkirina hewldanên navneteweyî ji bo bidawîkirina dagirkeriya Îsraîlê, bicîhanîna çareseriya du dewletî û bidestxistina mafên rewa yên gelê Filistînî, di nav de mafê çarenûsî û vegera wan, hat kirin.
