Dema keyayê gundê Sariya yê bajarê Mabeta yê Efrînê yê dagirkirî tevî hejmareke ciwanên gund, doh diçû nava zeytûnên xwe, çeteyê bi navê Mihemed El Fatih ê girêdayî çeteyên dewleta Tirk a dagirker, gule li wan barandin û ew birîndar kir.
Li gorî şahidan, bûyer li herêma Kortê Xinzîran û Erdê Ekarî yê gundê Sariya çêbûye. Çete bêyî hişariyê gule li wan barandin, bi wê re keyayê gundê Sariya Beşîr Hemîd Mihemed (63) bi giranî birîndar bû.
Hat diyarkirin ku keya rakirine nexweşxaneyê, niha di beşa lênêrînê de ye.
Ev bûyer, li gel zêdebûna sûcên li herêmê, nemaze di mewsima berhevkirina zeytûnan de pêk hat.
