Li Wargeha Penaberan a Şehîd Rûstem Cudî di çarçoveya pîrozbahiya Cejna Berxwedana Neteweyî de şahiyek hat li dar xistin.
Şahî li navenda Çand û Hunerê ya Mexmûrê ji bo tevahî şehîdên şoreşê bi deqeyek rêzgirtinê destpê kir û piştre jî Dengê Rêber Apo hate guhdarkirin.
Di pîrozbahiyê de Hevşaredara Wargeha Penaberan a Şehîd Rûstem Cudî Fatma Bîlen axivî û got, “Vê Cejnê li RêberApo, Şehîdan û şervanên Tevgera Azadiyê, girtiyên siyasî û gelê me yê her çar parçeyê Kurdistanê pîroz dikim. Rojekê wek îro berî 47 salan li gundê Fîsê PKK hate avakirin. Li dijî xiyanet û bindestiyê ev kongre hat lidarxistin. Rêber Apo hebûna Kurd mîsoger kir. Heta îro bi kedek mezin û berxwedanek bêhempa hate meşandin. Îro heger em bêjin em hene, ev bi saya Rêber Apo ye.”
Di şahiyê de peyama YNK’ê hate xwendin û piştre Koma Kolektîf a Saza Êzî bi stranên xwe yên qedîm derketin ser dike. Koma Mûzîkê ya Tev-Çandê jî bi berhemên xwe coşa girseyê zêdetir kirin. Her wiha Koma Mûzîkê ya KêvanaZêrîn, Koma Mûzîkê ya Bêrîvan, Koma Dayîkan a Dêngbêjiyê, Serdar Canan û Îbrahîm Qamişlo jî berhemênxwe yên hunerî peşkeş kirin û Cejna Berxwedana Neteweyî bicoşek mezin pîroz kirin.
Di şahiyê de dayîka bi navê Fadîle Yilmaz axivî û coş û kelecana xwe anî ziman. Fadîle Yilmaz got, “Ez vê rojê li Rêber Apo û hemû şehîdan, tevahî şervanan, malbata şehîdan pîroz dikim û hemûyan silav dikim. Ev roj rastiyek pîroz e. Ev roj roja vejînê ye. Tenê ji bo me ne, ji bo hemû mirovahiyê roja ji nû ve çêbûnê ye. Lewma jî ji bo hemû bindestan rojekê pîroz e.”
Dayîka bi navê Mehbûb Hîlalî jî anî ziman ku ew dayîka du şehîdan e û kelecana xwe wisa anî ziman; “Di serî de vê sersalê li Rêber Apo, gerîlayan, hevalên zindanê û li hemûyan pîroz dikim. Ev 47 sal in em di pêşengiya Rêber Apo de bûngelek berxwedar û me xwe nas kir. Vê sersalê li hemû Kurd û bindestan pîroz dikim.”
Şahî bi govend gerandina şêniyê û bi dirûşmeyên, “Bijî SerokApo” û “Bijî Partiya Karkerên Kurdistan” bi dawî bû.
