Li gorî rapora nû ya Enstîtuya Lêkolînên Aştiyê ya Navneteweyî ya Stockholmê (SIPRI), dahata 100 şîrketên hilberînên çekan ên herî mezin ên cîhanê yên ji firotinên çek û alavên leşkerî, di sala 2024’an de gihîşt 679 milyar dolar (nêzî 586 milyar Euro). Gelek hilberîner xetên xwe yên hilberînê berfireh kirin, tesîsên xwe mezin kirin, an jî şîrketên cuda kirîn.
Li gorî raporê, pevçûnên ku li Ukranya û Xezeyê dewam dikin û lêçûnên leşkerî yên gerdûnî û herêmî, firotinên şîrketan ên welat û derveyî welat li gorî sala borî ji sedî 5,9 zêde kir.
Dema ku şîrketên DYE û Ewropî, di zêdebûna dahatê de derketin pêş, di fîrmayên Çînî de kêmbûn çêbû.
Li gorî raporê, di dema operasyonên li dijî Xezeyê de dahat zêde bûne û fîrmayên Tirkiye yên wekî Baykar dahata xwe zêde kirine.
