Serdana bîranîna Komkujiya Roboskî bi tevlîbûna nûnerên komeleyên Elewî û çandî, partiyên siyasî û rêxistinên girseyî yên demokratîk pêk hat. Şande ji aliyê malbatên ku di komkujiyê de xizmên xwe winda kirine ve hat pêşwazîkirin.
Serokê Giştî yê Federasyona Bektaşî ya Elewiyan (ABF) Mustafa Aslan, diyar kir ku komkujiya Roboskî yek ji komkujiya ku dewlet pê re hevûrû nebûye û got, “Di Komkujiya Roboskî de 34 kesan jiyana xwe ji dest dane. Tenê daxwaza wan debara jiyanê bû. Ji bo parvekirina vê êşê îro em li vir in.” Aslan, banga têkoşîna hevgirtî kir.
Serokê Giştî yê Konfederasyona Yekîtiya Elewiyan ên Ewropayê (AABK) Huseyîn Mat jî got, “Hem Elewî û hem jî Kurd li vî welatî gelek êş jiyane. Tenê daxwaza wan hemwelatîbûna wekhev bû. Lê dewlet bawerî û nasnameya wan nas nekir û berovajî vê ji bo ku her kes bike mîna xwe komkujî kirin. Komkujiya Elewî û Roboskî ji bo me mîna hev in. Êşa me yek in.”
Velî Encû, jî li ser navê malbatên kesên ku di komkujiyê de jiyana xwe ji dest dane axivî û got ku ew ê têkoşîna xwe ya 14 salan a ji bo edaletê bidomînin.
Serdan bi serdana gorên kesên jiyana xwe ji dest dane, bi dawî bû.
