Bahçelî di axaftina xwe de ya li civîna komê cihekî berfireh da êrişa Dewletên Yekbûyî yên Emerîkayê ya li Venezûelayê û revandina Serokdewlet Nicolas Maduro. Bahçelî îdîa kir ku Trump “hişê xwe winda kiriye” û diyar kir ku divê Maduro radestî welatê wî bê kirin.
Bahçelî bal kişand ser armanca “Tirkiye ya hêza super” û got, “Pêkane ku çaryeka duyemîn a sedsala 21’emîn ber bi aliyê Tirkiye û Miletê Tirk ve bê kişandin.”
Bahçelî di mijara Sûriyeyê de jî Îsraîl kir hedef, gef li QSD’ê xwar û got, “Ya bi mutabaqatê ya jî bi zorê divê avaniya unîter, yekparebûna xak û siyasî ya Sûriyeyê bi rengekî kategorîk bê avakirin. Bi taybetî eşîrên Ereb divê bêşert bi rêveberiya Şamê re bin.”
NERAZÎBÛNA LI MIKURHATINA YERLÎKAYA
Bahçelî nerazîbûn nîşanî mikurhatina Wezîrê Karên Hundir Alî Yerlîkaya da ku gotibû, endamên DAÎŞ’ê welatiyên Tirkiyeyê ne. Bahçelî got, “Gotina, terorîstên DAÎŞ’ê welatiyên Komara Tirkiyeyê ne daxuyaniyeke bi pirsgirêk û cihê aciziyê ye. Hêvîdar im ku wê xwe ji nirxandinên bi vî rengî yên bêfikir vegire. Şehîdên me bi rehmet, minet û hurmet bi bîr tînim.”
