Hêzên Ewlekariya Hundirîn-Helebê der barê komên çete yê êrişî Şêxmeqsûd, Eşrefiyê ûBenî Zêd dikin de daxuyaniyek weşand.
Di daxuyaniyê de ev agahî hatin parvekirin:
’’Ji dîmenên hatine parvekirin piştrast dibe ku komên êrişî taxên Şêxmeqsûd, Eşrefiyê û Benî Zêd ên Helebê dikin, heman komên ku destên wan di komkujiyên li Siwêda û perava Sûriyeyê de hene. Ev kom ji ber binpêkirinên mezin ku kirine di lîsteya navneteweyî ya cezayan de ne.
Ev komanan ji destpêka ku hatine damezirandin de, bi rêya wekîlan şer dikin û tu carî jî nebûne beşek ji projeyên nîştimanî. Lê dîroka wan bi sûc û binpêkirinên li dijî sivîlan dagirtî ye.
Ji dîmen û wêneyên ku wan koman bi xwe di dema êrişan de arve kirine, diyar dibe ku komên êrişkar ev in:
Firqeya 62 (Silêman Şah-El Emşat)
Firqeya 72 (Sutlan Murad)
Firqeya 76 (El Hemzat)
Firqeya 80 (Tevgera Nûredîn El Zingî)
Tevî ku lîsteya wan bi sûc û binpêkirinan tijî ye, lê rasterast ji aliyê wezareta parastinê ya hikumemta Şamê ve tên pejirandin û sûcên wan tên paşguhkirin. Ev jî dide diyarkirin ku hikumeta Şamê di berpirsên siyasî, exlaqî û qanûnî yên van rûdanan de tevkar e.
Di encama êrişên van koman de heya niha 8 sivîl şehîd bûne û 52 sivîl jî birîndar bûne. Di heman demê bi kêmanî 300 mal û bi dehan saziyên xizmetguzarî û tenduristî ji ber êrişan bi zerar bûne. Ev yek sûcekî şer e û binpêkirina qanûnên mirovî yên navneteweyî ye.
Eger ev komên di lîsteya cezayan de dorpêç û êrişên li ser sivîlan bidomîne û hewldanên ji nû ve bikaranîna wan di bin navê fermî de bidomîne dê alozî kûrtir bibe û rê li ber sûcên zêdetir û bê istiqrariyê veke.”
