FEDA û DAKB’ê, bi daxuyaniyek ragihand ku di salvegera 13’emîn a qetilkirina jinên şoreşger Sakîne Cansiz, Fîdan Dogan û Leyla Şaylemez de, ku di 9’ê Çileya 2013’yan de li Parîsê pêk hatibû, li Parîsê meşek dê were lidar xistin.
FEDA û DAKB’ê di daxuyaniya xwe de gotin, “Meşa bi pêşengiya TJKF’ê bi dirûşmeya ‘Heqîqet û Edalet’ dê di 10’ê Çileya 2026’an de li Parîsê were lidar xistin. Di meşê de komkujiya Parîsê, kuştinên siyasî yên bêceza mane û qirkirina jinan dê bikeve rojevê.”
Di daxuyaniyê de hat diyarkirin ku ji ber hê Fransa dozê ronî nekiriye ew ê têkoşîna ji bo edaletê bidomînin û bang li her kesî kirin ku beşdarî meşê bibin.
Hat diyar kirin ku, meş dê roja Şemiyê 10’ê Çileya 2026’an saet di 10:00’an de li Gare du Nord dest pê bike.
