Îro Stadyûma Tîma Newroz bû qada nîşandana piştgiriya li berxwedana Rojavayê Kurdistanê.
Tevî ku zêdetirî 10 hezar kes li stadyûmê amade bûn, bi bilindkirina alaya Herêma Kurdistanê, bi qêrîna dirûşmeyê weke ‘Bijî Berxwedana Şervanan, ‘Yeke Yeke Yeke, Gelê Kurd Yeke’, ‘Rojava bi Tenê Niye, Başûr Piştgirê wê ye’. Her wiha bi hezaran welatiyan bilêtên maçê kirîn lê nehatin temaşekirina stadyûmê.
Berê hatibû ragihandin ku dahata lîstikê dê ji bo penaberên li Rojavayê Kurdistanê yên ku ji ber êrişên çeteyên Colanî û dewleta Tirk a dagirker ji malên xwe reviyane, were bexşandin.
Hin hunermend ji her çar beşên Kurdistanê beşdar bûn û piştgiriya xwe ji bo berxwedana Rojavayê Kurdistanê anîn ziman.
Maça hefteya15’an ya Lîga Stêrkên Iraqê di navbera Tîma Newroz û Tîma Germe de hat leyîstin û bi serkeftina 1-0 ya Tîma Germe bidawî bû.
