AMED
Li dijî êrişên ser Rojava, bi pêşengtiya Platforma Saziyên Demokratîk a Amedê li Qada Şêx Seîd a Bajarê Nû ya Amedê çalakiya nobetê hatibû destpêkirin. Çalakî, di roja 4’an de domiya. Nobeta îro MED TUHAD-DER û rêxistina DEM Partiyê ya Rezanê dewr girt. Nûnerên rêxistinên civaka sivîl û gelek welatî tev li nobetê bûn. Di çalakiyê de dirûşma “Bijî berxwedana Rojava” hate berzkirin. Di çalakiyê de hate gotin ku komkujiyên li Rojava tên kirin hate bibîrxistin û bertek hate nîşandan. Çalakî dê heta saet 17.00’ê bidome.
DÊRSIM
Platforma Saziyên Demokratîk a Dêrsimê jî li bajarokê Perî yê Mazgêrt a Dêrsimê daxuyanî da. Daxuyanî, li ser Pira Seyîd Riza hate lidarxistin. Wekîla DEM Partiyê Ayten Kordu û gelek kes tev li bûn. Di daxuyaniyê de dirûşmên “Bijî berxwedana Rojava” û “Jin, jiyan, azadî” hatin berzkirin û pankarta “Rojava wijdan e, berxwedan e, azadî ye, teslîm nayê girtin” hate hilgirtin. Rêvebera DBP’a Mazgêrtê Gulten Gunduzê di daxuyaniyê de got ku pergala ku jin tê de kirde hedef tê girtin û got. “Li gelê Kurd şer tê ferzkirin. Êrişên di demên dawî de zêde dibin, rê li ber binpêkrina mafê jiyanê yê sivîlan vedike.” ‘ÊRIŞÎ NIRXÊN LI WIR TÊ KIRIN’ Wekîla DEM Partiyê Ayten Korduyê jî got ku êriş bi zîhniyeta HTŞ û DAIŞ’ê tên kirin û got: “Gelê Kurd û dostên wan jî li her derê li dijî van êrişan ser pêya ye. Pergala li Rojava hatiye avakirin ji bo hemû gelan bû hêvî. Vaye êrişî vê pergalê û baweriyê dikin.” Ayten Korduyê got ku dê bertekên wan ên li dijî êrişan bidomin. Daxuyanî, bi berzkirina dirûşman bi dawî bû.
RIHA
Li navçeya Bêrecûka Rihayê, bi meşekê êrişên li ser Bakur û Rojhilatê Sûriyeyê hatin protestokirin.
Parlamenterên Partiya DEM’ê Omer Ocalan û Ferit Şenyaşar beşdarî meşê bûn. Omer Ocalan di daxuyaniya li qadê de axivî û diyar kir ku HTŞ û DAIŞ berdewamiya heman hişmendiyê ne û destnîşan kir ku ev êriş li ser bingeha dijminatiya Kurdan tên meşandin. Ocalan got: “Bira ev der Kurdistan e, axa me ye. Ji vir pê ve cihê ku em lê herin nîn e. Em ê bi rûmet û şerefa xwe li vir li ber xwe bidin. Gelê Kurd wekî ku dijminatiya tu gelî nake, biratiya di bin nîr de jî qebûl nake.”
LI STENBOLÊ JI DAYIKÊN AŞITIYÊ ÇELENGA REŞ
Înîsiyatîfa Dayikên Aşitiyê, ji bo balê bikişînin ser qirkirin û komkujiyên li Rojava, li ber Konsolosxaneya Sûriyeyê çelenga reş danî û çalakî li dar xist. HTŞ, DAIŞ û çeteyên bi piştgiriya Tirkiyeyê û rola lîstikvanên navneteweyî. Di dema çalakiyê de dirûşmên “Bijî berxwedana Rojava”, “Jin jiyan azadî” û “Kujer Colanî destê xwe ji Rojava bikişîne” hatin berzkirin.
Dayika Aştiyê Emine Erbek di çalakiyê de axivî, êrişên li ser zarok, jin û sivîlên li Rojava şermezar kir û bang kir: “Mirin ne çareserî ye, dev ji çekdayîna IŞÎD’ê berdin.” Feleknaz Karabaş jî diyar kir ku Tirkiye dema ji bo Filistînê li mafan digere, ji bo gelê Kurd nakeve tevgerê û destnîşan kir ku têkoşîna li Rojava pêvajoyeke wisa ye ku gav paşde nayê avêtin.
