Dewleta Tirk li Rojava piştgirî dide hikûmeta Sûriyê ya veguherînê û çeteyên HTŞ’ê yên girêdayî wê, êrîşên li ser destkeftiyên Kurdan û şoreşa jinê ya ku destkeftiyên jinê ne, endama Lijneya Rêveber a Komeleya Jinên Rosa Suzan Îşbîlen nirxandin kir û got ku êrîşên wiha operasyoneke sîstematîk e ku îradeya jinê dike hedef.
Suzan Îşbîlen diyar kir ku li dijî zihniyeta baviksalarî berxwedana jinên li Rojava bersiva dîrokî ya herî mezin e ya ku dixwaze jinê ji jiyana civakî derxe. Û bal kişand ser vê yekê ku Şoreşa Rojava pêvajoyeke ji nû ve zayînê ye ku îradeya jinê ya hatiye dizîn dîsa bi dest dixe.
Suzan Îşbîlen amadekirina çeteyên cîhadî û dîsa xistina wan nav qadên li Rojavayê Kurdistanê wek siyaseta şerê taybet nirxand û got ku ev pêvajo manîdar e. Suzan Îşbîlen diyar kir ku dewletên netewî û aktorên navnetewî vê pêvajoyê destpê kirine da ku statû girtina Kurda asteng bikin û wiha got: “Ji bo vê yekê rê li ber van mexlûqên tarî hate vekirin. Hedefa van mexlûqên kujer êdî ne tenê qezenckirina şer e. Ew bi rêbazên ku tu qaîdeyên mirovî û hiqûqî nas nakin, rasterast êrîşî nasnameya jinê û ruhê berxwedêr ê jina Rojava dikin. Van êrîşan nefretên hezar salî ne ku dixwazin pêşengiya dîrokî ya jinê ji hev biqetînin.”
Suzan Îşbîlen li ser sedemên ku êrîş bi taybetî jinê dikin hedef rawestiya û got ku zihniyeta baviksalarî ji ber tirşe ku hêza rêveberiya bêsînor û rehetîya aborî ya hezar salî winda bike, tevdigere. Wê got ku avakirina sîstemeke nû li Rojava ku jin tê de mijar e, ji bo zihniyeta mêr dawî ye û wiha domand: “Sîstema ku mêr jin wek milkê xwe yê taybet dibîne, li Rojava hilweşiya. Ji ber vê yekê êrîşkar ne tenê têkçûneke leşkerî, têkçûneke bîrdozî jî dijîn.”
Suzan Îşbîlen bal kişand ser wê yekê ku jinên li Rojava yên berxwe didin ne tenê hêzeke leşkerî ne, ew temsîla çandeke yekpare û hebûneke kûr dikin û wiha got:
“Jinên di refên têkoşînê de cih digirin; bi cil û bergên xwe, bi porên xwe û bi tilîliyên ku mîzginiya serkeftinê didin, bi temamî nasnameyeke Kurdistanî temsîl dikin. Li hemberî vê îradeyê hêzên paşverû ne tenê têkçûneke leşkerî dijîn, pergala tarî ya ku dixwestin ava bikin li ber çavên hemû cîhanê hate eşkere kirin; van çete û rêxistinan di warê zihniyetê de jî têk çûne.”
