Dayîka temenê wê 62 salî ya bi navê Zerîfa Hesen ji ANF’ê re axivî û got, ew ê parastina war û welatê xwe bike.
Dayîka bi navê Zerîfa ku ruxmî sar û sermayê û temenê xwe yê mezin ji bo parastina bajarê xwe bûye seferber û çeka xwe hilgirtiye û tax û bajarê xwe diparêze, dibêje ku ew ê di asta herî bilind de berxwedaniyê bikin û bi wê yekê re jî bi ser bikevin û wiha got: “Em parastina bajar û axa xwe dikin em berpirsyarê vê axê û vî welatî ne, em ê tu carî nehêlin ku van çeteyan bên Kobanê, ev bajarê me ye û em ê parastina bajarê xwe bikin û çeka xwe hilgirin.
Em dixwazin êdî di nava welatekî bi aram de jiyan bikin. Lê em ê niha li kêleka zarokên xwe çeka xwe hildin û em ê li her derê li qadan bin û parastina bajarê xwe bikin. Em li pişta hêza xwe ne û em ê heta dilopa xwe ya dawiyê li ber xwe bidin. Bila berf û baran be, em ê nebêjin ku sar û serma ye em ê heta dawiyê ji bo vî bajarî rabin ser piyan û em ê li her kolanê bibin seferber bi vê yekê re em ê bi ser bikevin.”
