Meclisa Malbatên Şehîdan a bajarê Til Temirê merasîma cenaze yê şervanê QSD’ê Elîşêr (Îmad Îbrahîm El Berho) yê ku 17’ê Çileyê li Dêr Hafirê şehîd bûbû li dar xist.
Merasîm li Pakrewangeha Şehîdan a Til Temirê bi beşdariya girseyeke şênî, nûnerên saziyên sivîl û leşkerî pêk hat.
Merasîm bi deqeyek rêzgirtinê dest pê kir. Piştre ji rêveberên Meclisa Til Temirê Idrîs El Yûsif axivî û anî ziman ku şehîd Elîşêr nimûneya fedakarî û pabendîbûna bi parastina ewlehiya herêmê ye û fedakariyên şehîdan bingeha meşa parastina herêmê ye.
Ji fermandarên Meclisa Leşkerî ya Til Temirê Îsa El Receb jî got, dê herêmê ji êrişan biparêzin. Her wiha diyar kir ku şervanên îradeya xwe ji gel digirin dê faktora sereke ya pêşgirtina li arîşeyan bimînin.
Piştî axaftinan wesîqeya şehîd Elîşêr hat xwendin û radestî malbata wî hat kirin. Cenazeyê şehîd bi tilîliyên dayikan û dirûşman dilsoziya bi şehîdan re hat veşartin.
