Dewletên Yekbûyî yên Emerîkayê (DYE) qaîdeyên ketina bê vîze zehmetir kirine. Ji 8’ê Sibatê û pê ve kesên ku dixwazin bi vîzeya ESTA bikevin Dewletên Yekbûyî yên Emerîkayê divê hemû hesabên xwe yên medyaya civakî yên pênc salên bihurî ragihînin.
Di heman demê de, wê ji rêwiyan navnîşanên e-nameyê yên deh salên bihurî û hejmarên têlefonê yên pênc salên bihurî werin xwestin. Ev tedbîr bi hinceta “ewlehiya neteweyî” hate pêkanîn.
Pergala nû dê pêvajoya serlêdanê dirêj bike û ji bo rêwiyên kêliya dawî dê zehmetî çêbikin. Sektora seyhetê bi fikar e ku ev tedbîr dê geştyarên Ewropayê ji serdana DYE’yê dûr bixe.
Şîrketên seyhetê hişyarî dikin ku serlêdan zû bên kirin û ji dayîna agahdariya nerast dûr bisekinin. Agahiyên nerast dikarin bibin sedema qedexeya ketina DYE’yê.
Eleqeya ji bo DYE’yê kêm dibe. Par, hejmara mêvanên navneteweyî ji sedî 6 kêm bû. Sedemên ku hatine destnîşan kirin, hewirdora siyasî û lêçûnên zêde ne.
