– Bûyerên piştî Banga Aştî û Civaka Demokratîk a Rêber Apo wê bêne şopandin.
– Êrîşên çeteyên HTŞ’ê yên hikûmeta demkî ya Sûriyeyê li ser bajarên Rojava û pêşketinên têkildar wê werin şopandin.
– Li Kobanê bi hezaran kesî Komploya 15’ê Sibatê protesto kir. Gel destnîşan kir ku çawa komploya yekemîn hatibe pûçkirin, dê ev jî bi ser nekeve; ew ê xwedî li ramanên Rêber Apo derkevin û zarokên xwe bi van raman her mezin bikin.
– Tevgera Jinên Azad (TJA), starta xebatên 8’ê Adarê Roja Jinên Kedkar ên Cîhanê dide. Jinên ku bi sernavên aşitî, azadî û têkoşînê dest bi xebatên 8’ê Adarê dikin, dê fînalê jî li Amed, Wan û li ber deriyê sînor ê Rihayê pêk bînin.
– Parêzer Fatma Hopikoglu ya ji Komîsyona Jinan a OHD’ê, derbarê sînorkirina nafaqeyê li gorî dema zewacê û pêşniyara “fona nafaqeyê” de axivî. Hopikoglu diyar kir ku ev nîqaş ji zemîna hiqûqî bêtir, rastiyên sosyo-ekonomîk ên jinan nade xuyakirin.
– Dayika Aştiyê Kudret Eryılmaz a ku keçek û kurê xwe di pêvajoya şer de winda kirine, got “Ev êş a me hemûyan e” û anî ziman ku di têkoşîna aştiyê de divê her kes berpirsyariyê bigire ser xwe û bixebite.
– Hevseroka MED TUHAD-FED’ê Pinar Sakik Tekin diyar kir ku girtiyên nexweşên giran û yên bitemen li girtîgehan di gihîştina dermankirinê de bi astengiyên mezin re rû bi rû ne û destnîşan kir ku bêbersivhiştina daxwazên tehliyeyê mafê jiyanê tehdît dike.
