Bûyerên têkildarî pêvajoyê wê bêne şopandin ku li ser bingeha Banga Aştî û Civaka Demokratîk a Rêber Apo hate destpêkirin.
Êrişên hêzên çete û HTŞ’ê yên ser bi hikumeta Sûriyeyê ya demkî yên li hemberî bajarên Rojava û bûyerên têkildarî mijarê wê werin şopandin.
Endama Tevgera Azadiyê ya Kurdistanê Hêlîn Umît li ser pêvajoyê axivî û got, “Pêvajo hîn dewam dike, lê belê bi taybetî li aliyê desthilatdariyê îradeya siyasî lawaz e û eger ev lawazî ji holê neyê rakirin wê metirsî li ser pêvajoyê çêbibe.”
Hevserokê KNK’ê Karamûs diyar kir ku berxwedana li dijî êrişên li ser Rojava hate nîşandan ji bilî hevkariyê rêyeke din ji siyaseta Kurd re nehişt û got, “Gelê me li qadan yekîtiya neteweyî ragihand. Divê siyaset jî vê îradeyê bike stratejiyeke hevpar.”
Siyasetmedar Nejdet Atalay ragihand ku hevdîtinên sînorkirî yên bi Rêber Apo re nayê wateya garantiya hiqûqî û destnîşan kir ku heta sererastkirineke mayinde neyê kirin ev yek wê weke îradeyeke çareseriyê neyê dîtin.
Tugçenûr Ozbay li Girtîgeha Şakranê ji bo ku ferzkirina karta nasnameyê qebûl nekiriye ji kawîşê nayê derxistin û dest bi greva birçûbûnê ya bênavber kiriye.
