Li Stenbolê di 17’ê Sibatê de di serdegirtina malan de gelek kesên li saziyên demokratîk dixebitîn hatin binçavkirin. Ji wan 13 kes bi êşkenceyê hatin binçavkirin.
Kesên hatin binçavkirin bi endametiya PKK’ê hatin sûcdarkirin ku 12’ê Gulana 2025’an bi kongreyê ragihand ku xwe fesix kiriye. Her wiha pirsên li ser ‘karê bi navê rêxistineke nîne’ ji wan hate pirsîn.
Hevserokê Şaxê Stenbolê yê Komeleya Hiqûqnasan a ji bo Azadiyê (OHD) Îshak Demîrel ku beşdarî îfadeya muwekîlên wan a li emniyetê bû, anî ziman ku bûyerên qewimîn hewldana ji bo krîmînalîzekirina zemînan têkoşîna demokratîk e. Demîrel diyar kir ku ji bo zext li ser siyaseta Kurd bê kirin hincetên cuda têne afirandin û got, operasyonên navborî ji bilî sabotekirina pêvajoya Aştî û Civaka Demokratîk nayê ti wateyê.”
