Daxuyaniya hevbeş a ku ji hêla platforma Grève Féministe ve hat weşandin, hat diyarkirin ku 8’ê Adarê ne tenê rojek sembolîk e, di heman demê de roja têkoşîna li dijî newekheviyê ye jî.
‘LI HER QADA JIYANÊ GREV’
Daxuyaniyê bal kişand ser rola diyarker a jinan ku ji hilberînê bigire heya karê lênêrînê di her qada civakê de dilîzin û wiha hat gotin:
“Divê jin li cihên kar hilberînêrawestînin, keda li malan nayê dîtin rawestînin û kolanan tijî bikin. Ji ber ku ger jin rawestin wê jiyan raweste.”
Platformê daxuyand ku divê grev ne tenê bi keda bi pere ve sînordar nebe, hat destnîşankirin ku karê malê, karê lênêrînê û karê hestyarî jî mijarên polîtîk in.
PLATFORMA BERFIREH
Bang ji aliyê gelek rêxistinên ku CGT, FSU, Solidaires, ActionAid France, TJK-F, û Collectif National pour les Droits des Femmes di nav de ne hat îmzekirin.
Platformê di daxuyaniya xwe de bi taybetî bal kişand ser mijarên jêrîn:
Jin li gorî mêran ji sedî 20 kêmtir qezenc dikin
Di karên nêv demê û bê ewle de jin bêhtir dixebitin
Barê mezin ê lênêrînê dikeve ser milên jinan
Divê reformên teqawidbûnê bêtir bandorê li jinan bike
LI DIJÎ RASTGIRÊN TUNDREW Û ŞER
Di daxuyanî ne tenê daxwazên aborî, hişyariyên siyasî jî dihewîne. Hat diyarkirin ku zêdebûna rastgirên tund li Ewropayê mafên jinan tehdît dike, polîtîkayên milîtarîst newekheviyên civakî kûrtir dikin û di demên krîzê de pêşî mafên jinan hedef tên girtin.
Hat destnîşankirin ku jinên koçber, penaber, reşik û xizan bi gelek awayên cudakariyê re rû bi rû dimînin.
BAL KIŞANDIN SER PIŞTGIRIYA NAVNETEWEYÎ
Di bangê de bi berfirehî behsa hevgirtina femînîst a cîhanî hat kirin, silav ji berxwedana jinan li Îran, Filistîn, Afganistan û Ukraynayê re hatin şandin û wiha hat gotin, “Jin li çaraliyê cîhanê li dijî zilm, şer û paşverûtiyê li ber xwe didin. Têkoşîna me navneteweyî ye.”
Her wiha hat gotin ku têkoşîna azadiya jinan li Rojava îlhamê dide tevgera femînîst a cîhanî.
DAXWAZÊN SEREKE
Daxwazên platformê yên ji bo 8’ê Adarê wiha hatin rêzkirin:
Ji karê wekhev re mûçeya wekhev
Mafê teqawîtbûnê di 60 saliyê de bê dayîn
Hefteyê 32 seatan bixebitin
Xaniyên civakî bûn zêdekirin
Gihîştina xizmetên kurtajê bûn misogerkirin
Li dijî tundiya li ser jinan qanûnên berfirek bûn derxistin
PLANA ÇALAKIYÊ YA LI PARÎSÊ
Çalakiyên 8’ê Adarê yên li Parîsê wê di saetên serê sibê dest pê bikin. Noqteya kombûnê wekî Place de la Bataille de Stalingrad hat destnîşankirin.
Di çarçoveya bernameyê de wê di saetên serê sibê de li “Gundê Jinan” stand û panelan bên lidarxistin. Meşa girseyî wê saet di 14.00’an de dest pê bike. Kolektîfên femînîst ên herêmî wê di tevahiya rojê de forum, komxebat û çalakiyên hevgirtinê li dar bixin.
Daxuyaniya platformê wiha bi dawî bû: “Di 8’ê Adarê de em li dijî patriyarkaya, kapîtalîzm, rastgirên tundrew û newekheviyê di greva femînîst de ne. Em ê li kolanan, li cihên kar û di her qada jiyanê de têbikoşin.”
