Parêzgarê Hesekê Endazyar Nûredîn Ehmed îro Wezîrê Perwerdeyê yê hikumeta demkî ya Sûriyeyê Dr.Mihemed Tirko tevî şandeya pê re li avahiya parêzgehê pêşwazî kir.
Hevdîtin bi amadebûna Şêwirmenda Rêveberiya Xweseriya Demokratîk Jiyan Hesen û Hevserokatiya Perwerdê û Fêrkirinê û Zanîngehan pêk hat.
Di hevdîtinê de rewşa proseya perwerdehiyê li parêzgehê, amadekariyên ji bo ezmûnên bawernameyên seretayî, navîn û amadehî hatin nîqaşkirin. Li kêleka wê jî mekanîzmeya bicihanîna biryarnameya serokatiyê ya hejmara 13ˊan a bi naveroka zimanê Kurdî zimanekî neteweyî ye û dikare li dibistanên hikumetê bê xwendin hat gotûbêjkirin.
Ev hevdîtin di çarçoveya bicihanîna peymana 29ˊê Çileyê de pêk tên.
