Di şoreşa fikrî ya nîv sed salî û ronakbîriya civakî ya li Kurdistanê de Serxwebûn xwedî cihekî qewîn bû. Piştî ku Serxwebûnê ‘Ji bo destpêkên nû’ dawî li weşana xwe anî bi 10 mehan, rojnameya Komînal alê dewr werdigire.
Rojnameya Komînal ku bi armanca pêşvebirina mîrateya dîrokî amadekariyên xwe temam kir, derbasî qonaxa çapxaneyê bû.
Rojname wê di hejmara xwe ya destpêkê ‘Manîfestoya Civaka Komînal a Demokratîk’ a Rêber Apo bigihîne xwendevanên xwe. Rojnameyê manîfesto bi sernavê ‘Avakirina û pêşvebirina komînê bi qasî Welatê Rojê hêja ye’ kir manşet. Rojname plan dike ku di sê hejmaran de temamiya manîfestoyê biweşîne.
Rojname wê li Ewropayê bê çapkirin û li Ewropayê bê belavkirin. Temamiya 20 rûpelên Komînal wê bi reng be. Kurdistanî û dostên wan ên li Ewropayê ji 1’ê Adarê û pê ve wê karibin li hemû Navendên Civaka Demokratîk a li Ewropayê peyda bikin.
Rojname wê piştre li platforma dîjîtal bê barkirin. Kesên li Kurdistanê, Tirkiyeyê û deverên din ên cîhanê jî wê karibin bi rengekî dîjîtal li ser navnîşana www.kominalgazete.com peyda bikin.
KOMÎNAL WÊ BIBE DENGÊ TÊKOŞÎNA DEMOKRASÎ Û WEKHEVIYÊ
Rojnameya polîtîk, îdeolojîk a mehane Komînal wê bi dirûşma ‘Israra li ser mirovahiyê israra li ser sosyalîzmê ye’ bibe dengê têkoşîna demokrasî û wekheviyê ku xwe dispêre cihêrengî û azadiya mirovahiyê û gelê Kurd a bi pêşengiya jin û ciwanan.
Komînal wê li her cihî û her tim li dijî sîstem û mejiyê serweriya mêr, li hemberî her cûre nêzîkatiyên zayendîperest ên li ser vê bingehê derketine holê xeta azadiya jinê ji xwe re bike esas û ji bo pêkhatina şoreşa azadiya jinê û bidestxistina serketinan wê têbikoşe.
Li gel esasgirtina têkoşîna azadiyê ya gelê Kurd, di serî de jin wê têkoşîna gelên kedkar ên li ser asta navneteweyî, têkoşîna demokrasî û azadiyê nîşan bide. Komînal wê li ber her cûre nêzîkatiyên neteweperestiyê rabe ku siyaseta Kurd teng dike û ji hevalbendên wê yên stratejîk qut dike.
Komînal li ser bingeha Bîrdoziya Modernîteya Demokratîk a Rêber Apo wê pêşiya şoreşgerên modernîteya demokratîk ên li Kurdistanê û cîhanê ronî bike, bi nirxandinên xwe yên teorîk û polîtîk wê bibe dengê têkoşîna demokrasî û şoreşgerî.
