Wezareta Karên Hundirîn a Awûstralyayê diyar kir ku ji ber şer û pevçûnên li Îranê rîska çûna ji welêt ya kesên vîzeyên wan bi dawî bûne yan jî daxwaza mayînê zêde bûye. Hate îfadekirin ku ji ber vê yekê serlêdanên nû hatine sekinandin.
Ezîrê Karên Hundirîn Tony Burke got ku vîzeyên ziyaretvanan ên beriya şerî hatine dayîn ger a niha serlêdan bihatana kirin wê nehatibana erêkirin.
Li gorî daneyên fermî li Awûstralyayê zêdetirî 85 hezar kesên li Îranê ji dayîk bûne, dijîn. Tê zanîn ku dîasporaya Îranê bi taybet berê xwe dide bajarên mezin ên weke Sdydney û Melbourneyê.
KRÎZA FUTBOLVANÊN JIN RAGEŞÎ ZÊDE KIRIBÛ
Geşedaneke din a di meha Adarê de jî rageşiya di navbera Îran û Awûstralyayê de zêde kiribû. Awûstralyayê, ji bo Kûpaya Asyayê mafê îltîcayê dabû şeş lîstîkvan û endameke ekîba teknîkî yên jin.
Futbolvanên berbehs beriya lîstikekê sirûda neteweyî ya Îranê nexwendibûn û ji ber vê yekê futbolvanên jin li Îranê weke ‘’xayîn’’ hatibûn îlankirin. Piştre pênc ji van futbolvanên jin vegeriyan Îranê û bes du ji wan li Awûstralyayê mabûn.
Mafparêz dibêjin ku dibe rejîma Îranê zext li malbata wan futbolvanan kiribe.
